【專家分析】點解阿里健康毛利率仍未重返疫前?

1,642 次觀看
【Now財經台】阿里健康(00241)去年多賺約65%至逾8億人仔,收入增長近1%,刺激股價今日(28日)一度勁升逾15%,如果拆開上下半年睇,不論收入或盈利,下半年都好過上半年,不過,收入按年計其實要跌。值得留意係,受惠於精簡營運及數字化升級,經營及定價能力都好咗,但點解毛利率仲未重返疫前水平? 華盛證券財富管理部董事李偉傑認為,阿里健康業績靚,唯一要挑剔係營業額未見大升,只係盈利大幅增長,藥商平台前期投放普遍較多,依家已經到咗收成期,由於同業都係近兩年先賺錢,又或者虧損收窄,所以競爭都激烈。毛利率方面,Jason認為,疫後主要考驗企業韌性係咪可以持續,同埋始終係一個平台,毛利唔可能推到好高,除非有自營產品,同埋睇下可唔可以進一步提升健康及網上看診業務,毛利先有機會推高,佢坦言,自營產品毛利有少少雞肋,雖然量大但價唔可以扯得太高,因為同業之間嘅競爭會削弱毛利。
財經地產