【Now財經台】日本兩大汽車大廠本田汽車(Honda Motor)及日產汽車(Nissan Motor)昨日(18日)傳出合併消息後，刺激日產股價一度急升逾23%，相反，市值大日產3倍嘅本田股價要跌，睇股價反應，市場係咪認為合併對日產較有利？ 資深經濟分析師羅家聰指，依家一大一細嘅公司合併，表面睇大公司似乎冇咁著數，加上兩家公司合併後，好多嘢都可能出現局面，包括股權分布、管理層任命、生產模式等，都有可能「變天」，所以市場可能覺得本田會較蝕底。