【Now財經台】日本最大車廠豐田(Toyota)周三(5日)出咗截至去年12月底止第3季業績，銷售收入按年增長2.9%，純利更按年大升逾61%。由於業績理想，豐田上調今年3月底止嘅全年盈收指引。業績公布後，豐田股價有得升，集團呢份成績表係咪可以為日本汽車業打一支強心針？ 資深經濟師羅家聰表示，因應美國總統特朗普(Donald Trump)上場，中國及日本等國家提早出口產品，避免受貿易戰影響，令日本出口數據效應提早出現，加上日圓去年底弱勢，對比過往同期表現，在出口帶動下，豐田業績以日圓計價係理想，但以美元計價就只係一般。KC又話，睇返日本汽車整體銷售，排第2、第3位嘅本田(HONDA)同日產(NISSAN)銷售一般，有機會係因為「一哥」豐田銷售跑贏，種種因素反映日本汽車業銷售及前景未出現利好跡象。