【Now財經台】內地網約車出行平台嘀嗒出行(02559)，股價今日(13日)逆市向下，低開逾3%後，跌幅一度擴大至7%，低見2.09元，嘀嗒出行上市唔夠3個月，昨日(12日)收市大升近16%，不過，集團昨晚公布擬斥資750萬美元，認購喺美國上市汽車交易平台優信嘅股份後，股價今日隨即回套。 股價方面，嘀嗒今年6月在港上市，招股價6元，之後股價一度「深潛」近80%，未來要留意投資者禁售期屆滿後，會唔會出現新一輪沽壓。