有港女近日在油塘一街市花93元購買靚靚波子提，回家晚飯後卻發現原本靚靚的提子「全部凍到熟咗」，似「腐屍」，懷疑磅秤時遭偷龍轉鳳。當中提到「阿姐攞去磅嘅時候，背脊對住我，當時我都有少少覺得奇怪（完全冇俾我望到個磅係幾重）」，接著指「今次我好肯定自己唔係唔好彩，係俾人掉咗包」為討回公道，第二天到涉事生果檔與職員對質，結果對方大爆金句反駁，當面與生果檔阿姐對質後，得來對方的「明買明賣」金句。回應的網民大都替樓主不值，齊聲聲討，稱「喺街市買無得講，成日都係咁，佢地識變魔術」，也有人讚樓主做得好，指「唔好等佢以為咁容易呃人，個個都唔知又唔出聲」。另有人提供避免可能遭掉包的妙法：對付呢啲生果檔，千萬不要急先付錢，望實佢磅完，說了價錢，不需要他入袋，一手就放落自己帶嘅環保袋度，免除後患吖。