【Bookmark定】2020台灣米芝蓮必食推介出爐 (台北篇)

·4 分鐘文章
【Bookmark定】2020台灣米芝蓮必食推介出爐 (台北篇)
【Bookmark定】2020台灣米芝蓮必食推介出爐 (台北篇)

米芝蓮貴為飲食界聖經,今年就算受疫情影響一樣如常出書,繼續成為吃貨天書。今年《台北台中米芝蓮指南2020》就有多間台灣傳統食店都入咗「推介餐廳」,台北及台中合共有75家食店入選,台北共有7家首次入選,台中則有21家。當中大部分都係地道台灣特式美食,今日先為大家重點介紹幾家台北比較低調嘅小店啦。

超過半世紀菊花麵:昶鴻麵店

台灣麵店多不勝數,昶鴻麵店就一早薄有名氣,不過之前大家嘅焦點唔係在於味道,係在於佢係歌王蕭敬騰最愛食店之一。位於萬華夜市之內嘅小店毫不起眼,但原來已開業67年,其主打「菊花麵」用上少見嘅豬嘴脥肉加上油麵,配以清甜大骨湯,由於豬嘴脥肉油花分佈均勻食落有咬口,睇落更似菊花紋狀,因此被命名菊花麵。另外一款「豬尾麵」亦值得一試,豬尾有豐富油脂,咬落超Q彈含骨膠原。兩款麵食都係賣80台幣,難怪半世紀以來都係唔少老街坊嘅食堂啦!

小店開業萬華夜市之內已經67年。
小店開業萬華夜市之內已經67年。
馳名豬嘴脥肉油麵,又名「菊花麵」。
馳名豬嘴脥肉油麵,又名「菊花麵」。
店內仲有其他各種古早味台灣麵食。
店內仲有其他各種古早味台灣麵食。

昶鴻麵店

地址:台北市萬華區華西街15號

營業時間:12NN至8PM(逢星期六、日休息)

50年不變老味道:源芳刈包

同樣位萬華夜市內首次入榜仲有呢間「源芳刈包」,刈包為台灣傳統食品,源芳刈包開業50年,老闆已經80歲仍然堅持傳統風味,落足料3層滷肉加酸菜,每朝自己搓刈包皮,加上自家製花生糖粉。雖然食物味道不變,不過小店2018年大裝修翻新,變得極具文青風,明顯係吸引年輕一代去食,另一好處當然係令小店感覺新淨又衛生啦。

源芳刈包2018年大裝修過,店面新淨光猛。
源芳刈包2018年大裝修過,店面新淨光猛。
一個刈包做足50年,80歲老闆仍不言退。
一個刈包做足50年,80歲老闆仍不言退。
每日新鮮製全部材料,味道保持50年不變。
每日新鮮製全部材料,味道保持50年不變。

源芳刈包

地址:台北市萬華區華西街17-2號

營業時間:12NN至10PM(逢星期一休息)

必食焢肉飯:一甲子餐飲

今次萬華夜市可謂威到盡,第三間入選嘅就係「一甲子餐飲」。由台南舉家移民嚟台北,開業十多家庭式作業小店。店內提供一系列傳統台南美食包括滷肉飯、焢肉飯、下港肉粽、碗粿等,由於味道傳統,係唔少移民台北嘅台南人用以慰藉思鄉病嘅良品。其中最多人食係焢肉飯,連台北市政府吉祥物熊讚都讚不絕口。其餘推介小食例如魚丸湯都係熱門之選,仲要全部都係平民價,抵食!

小店開業十多年,招牌都唔太起眼。
小店開業十多年,招牌都唔太起眼。
馳名焢肉飯,五花肉望見都好想食!
馳名焢肉飯,五花肉望見都好想食!
其他台南美食例如碗粿、肉粽等都係傳統風味。
其他台南美食例如碗粿、肉粽等都係傳統風味。

一甲子餐飲

地址:萬華區康定路79號

營業時間:9AM至7PM(逢星期六、日休息)

大舖變小舖無損味道:陳董藥燉排骨羊肉

嚴格嚟講「陳董藥燉排骨羊肉」並非首次入選米芝蓮推介(2018及2019都入選),不過佢哋上年搬舖,而搬完亦即時再獲得推介,可見其實力有保證!此店於饒河街夜市開業20多年,為夜市中元老級食店,由老店搬去附近2分鐘路程位置,但店舖細咗,同時人流比較冷清,不過無損味道,一樣吸引大量食客嚟新舖搵食。排骨湯用上大量豬骨、羊骨及中藥材燉煮,驅寒活血補中益氣,難怪每晚都大排長龍。

之前已經兩年入選米芝蓮,搬舖繼續三連霸。
之前已經兩年入選米芝蓮,搬舖繼續三連霸。
用上大量豬骨及羊骨慢煮燉製,非常入味。
用上大量豬骨及羊骨慢煮燉製,非常入味。
老店一直都人氣爆燈,晚晚大排長龍。
老店一直都人氣爆燈,晚晚大排長龍。

陳董藥燉排骨羊肉

地址:台北市八德路四段739號

營業時間:4:30PM至12:30PM

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能