雅虎香港體育 除了有黑雨、紅雨、黃雨外，原來仲有綠色暴雨警告！
今朝天文台分別在早上7時以及8時多發出紅雨和黑雨，令有些返晏的打工仔，突然享有半天的黑雨假期。雖然如此，亦有些返早的打工仔大感不滿，紛紛到天文台Facebook專頁留言指太遲掛黑雨，市民早已出門上班，更質疑天文台「玩嘢」！到底天文台係唔係真係「玩嘢」？一齊睇下天文台所訂立嘅暴雨警告系統，係咪真係合乎事實？
「暴雨警告信號」發放準則
「黃色暴雨警告信號」表示香港廣泛地區已錄得或預料會有每小時雨量超過30毫米的大雨，且雨勢可能持續；「紅色暴雨警告信號」表示香港廣泛地區已錄得或預料會有每小時雨量超過50毫米的大雨，且雨勢可能持續；「黑色暴雨警告信號」表示香港廣泛地區已錄得或預料會有每小時雨量超過70毫米的豪雨，且雨勢可能持續。系統睇落相當合理，但原來呢個系統對上一次更新已經係1998年！即係已經20年冇更新過～
原來仲有「綠色暴雨警告信號」？
原來香港早期嘅暴雨警告唔單止得黃紅黑，仲有綠色！喺1992年，暴雨警告系分綠色、黃色、紅色及黑色四個級別。第一階段嘅綠色、黃色暴雨警告只帶有預報成份，僅向政府部門及、公共服務機構發出；而第二階段嘅紅色、黑色暴雨警告，就會根據香港實際錄得嘅雨量而發出，並向市民公開發布。
「綠色暴雨警告信號」取消了嗎？
天文台就話，其實並冇取消咗綠色暴雨警告，因為當年綠色及黃色暴雨警告都未曾公開，直至1998年，先加入會對外公布的黃色暴雨警告，所以綠色暴雨警告對市民嚟講，一直都冇存在過。
更多相關文章：
【香港好去處】自製土耳其燈、珍珠首飾、吹玻璃！本地D.I.Y工作坊推介
