羽毛球｜無緣第3次征戰奧運 伍家朗回應Haters：多謝你哋同我訓練EQ

【體路專訊】隨著亞洲羽毛球錦標賽周日（14日）在中國寧波落幕，巴黎奧運各項目名額亦塵埃落定，港隊勢奪男、女子單打、女子雙打及混合雙打共4張入場券，不過排名26位的伍家朗就榜上無名，無緣第三次征戰奧運，他今日（15日）在社交媒體發文訴心聲，對失落資格表示無奈，但感激家人、朋友及球迷的支持，同時回應Haters：「多謝你哋同我訓練EQ。」

現年29歲的伍家朗曾兩次出戰奧運，2016年在里約打入16強，上屆東京小組賽止步，更捲入「黑球衣風波」，之後一段時間陷進低谷，直至去3月走出黑暗，贏得超級300德國公開賽冠軍，打破3年44天的錦標荒，緊接月底與女友結束8年愛情長跑，場內場外皆得意。然而自馬來西亞教練黃達明提前解約後，伍家朗的運勢就每況愈下，加上受傷患困擾，影響發揮和成績，最終奧運排名位列26位，巴黎奧運夢碎，港隊將由排名15的李卓耀拿下奧運男單席位。

伍家朗今日在fb發文談及爭取奧運名額的心路歷程：「喺度正式宣布今個夏天將無緣參加我既（嘅）第三次奧運會。喺成個爭取奧運資格既（嘅）過程參加左（咗）好多比賽，當中遇到左（咗）好多困難，每一個困難我都想盡辦法去克服，但人生有時唔係你盡左（咗）力就一定會有相應既（嘅）回報，大概哩（呢）個就係生活上既（嘅）無奈。」他又多謝沿途一路支持自己的家人、朋友、球迷：「你地（哋）一直追睇我比賽直播／比分既（嘅）比率一定有超過95%，我每場比賽結束之後無論贏輸，一攞起部電話一定會收到你地（哋）既（嘅）鼓勵信息，我視你地（哋）為我既（哋）真粉，不過最後結果未如理想令你地（哋）失望，非常之唔好意思。」

伍家朗又寫到；「有真粉當然亦有啲“Haters”。比賽發揮得唔好嗰陣，一定會有啲人衝出嚟講啲好尖酸刻薄既（嘅）說話，我都要好多謝你地（哋）同我訓練EQ，你地（哋）令我學習點樣處理抨擊，哩樣野唔只對我打波，對我將來既（嘅）生活都受用不盡，非常感謝你地（哋）。失落奧運資格並唔代表我既（嘅）職業生涯從此就結束，打波從來唔只有奧運一個目標，我更加應該捉緊我剩餘嘅時間盡量砌靚我既（嘅）職業生涯，所以我喺度要同我既（嘅）真粉同haters講，唔洗（使）擔心，未來依然係會喺球場上見到我嫁（㗎）。」

港羽隊除男單李卓耀外，女單盧善恩、混雙「鄧謝配」鄧俊文／謝影雪及女雙楊霈霖楊／雅婷亦踏上巴黎奧運列車。

此篇文章由「體路 Sportsroad」最初發表於「羽毛球｜無緣第3次征戰奧運 伍家朗回應Haters：多謝你哋同我訓練EQ」