灣仔甜品│30年晶晶甜品搬店後即遇第五波 店主:每日都係打擊 但都要頂硬上

·5 分鐘文章
灣仔甜品│30年晶晶甜品搬店後即遇第五波  店主:每日都係打擊 但都要頂硬上
灣仔甜品│30年晶晶甜品搬店後即遇第五波 店主:每日都係打擊 但都要頂硬上

第五波疫情加上晚市禁堂食令,對一般餐廳而言,開舖,還是關舖?已經是個問題,何況算是生活非必須品的甜品舖?灣仔街市旁的「晶晶甜品」,新簇簇,夠光猛,皆因它個多月前才開業,前身在銅鑼灣,因續租問題而搬至現址,店主黃先生做了傳統糖水30年,見過風浪,但面對近來下跌逾5成的生意額及持續到四月尾的晚市禁堂食令,也苦笑道:「我哋唔係遇到逆境咁簡單,直頭每日都係打擊,解決方法?每日都係硬著頭皮頂硬上咋。」

灣仔甜品│30年晶晶甜品搬店後即遇第五波  店主:每日都係打擊 但都要頂硬上
新舖位於灣仔街市後,與人流很旺的利東街,春園街僅有數街之隔,人流卻靜很多。

【立即讚好】全新 Yahoo Food Facebook 專頁

搬舖1個月 撞正晚市禁堂食

「晶晶」在銅鑼灣開了28年,上年年底因不被續租,本來打算暫別街坊,後來店主黃先生找到灣仔街市旁的舖位,全店大翻新打算以2.0形象再出發,怎料開業個多月,即遇上第五波:「對我哋打撃好大,我哋灣仔店仲算新,舊街坊未必知道我哋搬新舖,新街坊又未必識我哋係邊個,本來初初開舖,都需要一段時間俾人認識我哋,就遇上疫情,封晚市,糖水舖最旺就係9pm至11pm呢段時間,唔俾開舖,打擊點會唔大?」黃先生說現時情況就「好似日日都十號風球咁,你明知開舖唔會有好多生意,但都係要開。」

「最深刻係呢段時間有唔少客都刻意俾多貼士,唔係平時十蚊廿蚊,而係隨心俾多百幾蚊那種。」晶晶甜品老闆 黃先生

灣仔甜品│30年晶晶甜品搬店後即遇第五波  店主:每日都係打擊 但都要頂硬上
綠黃色竹簾是由舊店保留下來,熟客一認就認出。
灣仔甜品│30年晶晶甜品搬店後即遇第五波  店主:每日都係打擊 但都要頂硬上
有客人請食家蔡瀾先生為小店題筆,墨寶現時置於店中。
灣仔甜品│30年晶晶甜品搬店後即遇第五波  店主:每日都係打擊 但都要頂硬上
黃先生做了傳統糖水30年,面對第五波疫情帶來的災難式餐飲寒冬,他也慨嘆「只可以頂硬上」。

開得舖 就落足功夫

打擊不等如消極,黃先生沒有怨天尤人:「做好自己先啦,慢慢俾街坊認識我哋,所以我哋仍然開到夜晚11點,附近都仲有唔少人會叫外賣糖水。」開得舖,就落足力,做了30年的那套功夫,在餘下5成的生意額之下,依然如常 — 每朝回到店,浸洗黃豆,磨成豆漿,撞石膏粉,做豆腐花;炒黑芝麻,洗杏仁,鮮磨成糊;洗蓮子,挑乾淨蓮子芯;刨薑煮薑湯;浸煮桑寄生茶的茶葉蛋。

灣仔甜品│30年晶晶甜品搬店後即遇第五波  店主:每日都係打擊 但都要頂硬上
餐牌與舊店幾乎一樣,只加入了數款新出甜品。
灣仔甜品│30年晶晶甜品搬店後即遇第五波  店主:每日都係打擊 但都要頂硬上
招牌「酒心湯丸」每日搓製,餡料中加了玫瑰露,是店主黃先生受酒心朱古力啟發所研製。
灣仔甜品│30年晶晶甜品搬店後即遇第五波  店主:每日都係打擊 但都要頂硬上
玫瑰酒薑汁湯圓玫瑰露酒餡 $36。自創甜品,湯丸外層比一般的厚身,咬開才是主角,是流心的酒心餡。
灣仔甜品│30年晶晶甜品搬店後即遇第五波  店主:每日都係打擊 但都要頂硬上
薑汁辣度適中不嗆,湯丸外層煙韌好嚼。
灣仔甜品│30年晶晶甜品搬店後即遇第五波  店主:每日都係打擊 但都要頂硬上
咬開,酒香湧出,全餡流心,其實是以玫瑰露酒製成,詳細製法是秘密,不過黃先生說難在不要讓酒心餡爆出。

當中最花功夫的是兩款小店生招牌:酒心湯丸及合桃露,前者由黃先生多年前自創,以玫瑰露酒加秘方做成餡,包在湯丸中,煮好的湯丸一咬流心,滿滿酒香,是熟客多年來的必叫。合桃露則要處理多次以去除本身帶有的油膱味,出來的合桃露才會甘香不濁。為了適應新地段,黃先生也不定期設計新甜品,一款「奶茶鮮奶冰」,用100%全牛奶製成刨冰,刨冰不加水及調味,加入奶茶提味,頗受附近的年輕客人歡迎。

灣仔甜品│30年晶晶甜品搬店後即遇第五波  店主:每日都係打擊 但都要頂硬上
杏仁合桃糊 $37。杏仁,合桃都是自己生磨,特別香滑。
灣仔甜品│30年晶晶甜品搬店後即遇第五波  店主:每日都係打擊 但都要頂硬上
滑如湯汁,連細碎的渣滓都隔走,滑入喉嚨有濃濃的杏仁香。

熟客身體力行支持

始終是30年老店,與熟客不只一買一賣,還有份情義。這段艱難日子:「都有客會順路過來幫襯,打招呼說加油,最深刻係呢段時間有唔少客都刻意俾多貼士,唔係平時十蚊廿蚊,而係隨心俾多百多元那種。」黃先生說也不是要報答什麼:「做好啲糖水, 大家食得開心囉,做咗咁多年,最滿足都係呢樣」。

灣仔甜品│30年晶晶甜品搬店後即遇第五波  店主:每日都係打擊 但都要頂硬上
首烏桑寄生蓮子蛋茶 $38。普通的桑寄生加入滋潤的首烏,味清不澀,蓮子好鬆化。
灣仔甜品│30年晶晶甜品搬店後即遇第五波  店主:每日都係打擊 但都要頂硬上
黑芝麻,自己磨自己炒,再熬成糊,其香氣就是與叫貨或開粉的完全不同。
灣仔甜品│30年晶晶甜品搬店後即遇第五波  店主:每日都係打擊 但都要頂硬上
栗子芋蓉豆腐花 $37。嘗試創新加入的甜品。以新鮮栗子及芋頭磨成糊,連豆腐花也是由黃豆開始自製,最後加上椰奶,整體不太甜,突出到清淡的栗子芋頭香。
灣仔甜品│30年晶晶甜品搬店後即遇第五波  店主:每日都係打擊 但都要頂硬上
奶茶鮮奶冰 $40。全個餐牌最新的item,刨冰以100%牛奶製,加入奶茶,灑上奶粉,奶菜味濃如飲一杯凍奶茶。

全新訂座平台「Yahoo訂餐廳×Openrice」正式上線!

>>立即按此了解更多香港各區餐廳訂座優惠<<

今晚食乜好?即睇最強雞翼食譜、牛油果食譜合集

食乜養生好?二十四節氣:中醫教路/湯水進補/穴位養生

自助餐推介!睇盡各種自助餐優惠/回本攻略

想知最新飲食資訊?按此觀看Yahoo Food編輯推介

晶晶甜品

地址:灣仔道8號尚翹峰A1舖(地圖按此)

電話:25786162

更多灣仔美食推介

灣仔美食│十兄弟車仔麵店推$9隻鮑魚 必點招牌慢煮牛坑腩+彈牙牛筋

傳統美國菜Dan Ryan's Chicago Grill登陸灣仔利東街 上等和牛漢堡包/自家製醬汁/限定免費炭烤8安士牛扒

Mercato Gourmet灣仔重開!蔡瀾至愛意大利食材店 必買意大利紅蝦+火腿芝士

灣仔美食|The Baker & The Bottleman 米芝蓮一星Roganic班底開設烘焙店+Winebar

灣仔美食|船街手工中菜酒家船記 $98食軟腍叉燒+超香雞油花雕蒸海中蝦配稻庭烏冬

【灣仔美食】午餐必食推介5間:新景園咖喱豬扒飯+米芝蓮越南牛河+正宗喇沙

灣仔美食│加國名校回流!28歲金融人橫街賣飯盒:我唔覺有問題喎

灣仔美食│型格全黑café Revol!自調咖啡做bagel 必試紅菜頭貓耳朵意粉

【灣仔美食】棄百萬年薪60歲轉行賣牛腩河 老闆:年齡從來唔係問題

【灣仔美食】親兄弟上場日做14小時磨腸粉 特製黑米紅米腸粉日賣300份

【灣仔美食】灣仔漢堡包店疫情下不蝕反賺 老闆現身解釋原因

【今晚食乜好】唔知今晚食乜餸?立即去Yahoo Food 食譜專頁搵靈感

>>按此下載<< 全新Yahoo APP,領取最新餐廳優惠、氣炸食譜、自助餐推介、仲有飲食達人教你識煮識食,讓你成為真正全面的吃貨,立即下載