【東京奧運.花絮】避孕套係贏奧運獎牌的「秘密武器」?

·1 分鐘文章
【東京奧運.花絮】避孕套係贏奧運獎牌的「秘密武器」?
【東京奧運.花絮】避孕套係贏奧運獎牌的「秘密武器」?

當你見到人隨身攜帶避孕套,你會點諗?好自然,一定估人想「曳曳」!不過經過今次東京奧運,呢個諗法要改一改了... 因為,佢可能其實只係去緊玩獨木舟...

澳洲女將Jess Fox在獨木舟激流回旋比賽中,發現獨木舟前端位置出現破損,急中生智下,緊急用避孕套去修補器材,仲要work!最後Jess Fox過五關斬六將,贏得一面銅牌,「避孕套」絕對係功臣之一。不過到底Jess Fox準備避孕套係預咗有突發情況出現定有另外計劃,就無人知了。

澳洲女將Jess Fox
澳洲女將Jess Fox

Jess Fox賽後仲分享一張圖片,講解避孕套的好處:「係咪估唔到?用避孕套修補獨木舟!」激讚避孕套有彈性又實淨,質地又光滑、低阻力,好適合在水中前進。

係咪估唔到?用避孕套修補獨木舟!
係咪估唔到?用避孕套修補獨木舟!

唔知Jess Fox咁講完,其他艇手會唔會以後都隨身攜帶避孕套呢?不過今屆大會準備咗15萬個避孕套一定夠派,唔使爭!講多一句,賽會只會在賽事結束後派發,所以Jess Fox比賽中用的避孕套,一定是自備的。

免責聲明:奧運、奧林匹亞、奧運五環、奧運格言Faster Higher Stronger及相關標章與吉祥物為國際奧委會、東京奧委會或其相關機構所擁有。本網站與上述該等機構並無任何贊助或合作關係。

相關文章:

13歲日本選手滑板奪金成史上最年輕金牌得主 仲打破伏明霞紀錄

相差41年!盧森堡5朝元老58歲仲打緊奧運 僅負17歲少女出局

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能