雅虎香港體育 
情侶商場攬錫 網友：世風日下，無廉恥！
情侶間攬攬錫錫人之常情，但公眾場合都喺注意一下環境先唔會惹人側目。早前就有網友喺討論區話見到兩位青少年係又一城溜冰場旁邊座位攬攬錫錫，在場好多小朋友喺到望住，搞到一名媽媽發火鬧佢地「無廉恥」先趕走佢地。版主雖然冇開口鬧佢地，但就認為兩位青少年嘅行為認真「羞家」。不過有網友反駁指情侶攬錫十分正常，無需大驚小怪。
撰文：Sunday Kiss｜圖片來源：電影截圖
延伸閱讀：
【親子好去處】香港10大靚景沙灘2018！一級水質＋隨時撞到明星！
情侶商場攬錫 網友：世風日下
事緣有網民喺討論區發帖，話「身處又一城冰埸，一對男女喺休息地方係咁咀，我就坐喺佢隔離望住，我心諗佢話我望佢就鬧爆佢！啱啱有位媽咪走黎話叫佢哋入去咀飽先，呢個位好多细路，你哋有冇廉恥架！佢哋仲笑笑口然後走番出去溜冰！(原來真係無廉恥架)我自己都有對仔女，見到咁真係要好好教佢哋乜嘢係羞家 。」「佢哋瞌埋眼好陶醉咁咀咗3次，每次4,5分鐘，跟住男嘅隻手係個女仔背脊、pat pat係咁摸，又係女耳背慢慢錫，公衆地方咁嘅行為我真係接受唔到！可能我比較保守」
有網民覺得情侶攬攬錫錫好正常 版主無需過度反應
網民1：死囉，我同老公係條街都會心血來潮都會咀兩啖，阿仔係度都會咁。乜咁樣都係係廉恥
網民2：Kiss吓攬吓都唔得?! 講到要浸豬籠咁嘅? 如果你同個仔或女真係覺得咁驚咁難接受，咁你哋唔好出街同人接觸喇，你哋嚇親人呀….
網民3：打下車輪, 未至於冇廉恥
有網民覺得公開場合錫冇問題 但有小朋友係周圍就要注意番
網民4：唔只kiss,係上下其手咁摸對方，真係教壞细路。萬一细路當玩有樣學樣，有冇人接受到自己個女在公眾地方被人摸身摸勢？
有網民認同版主 認為公開場合攬錫太開放
網民5：有次去食飯飲嘢，見到對男女巢足一粒鐘，仲不段伸脷打車輪，其實咁急，不如去爆房啦，全場見到佢地咁，個個都笑佢地，真係勁核突
網民6：唔好意思，我自己係比較保守嗰類，接受唔到d細路係公衆地方又攬又啜仲揸下摷下！
其實要情侶間有親密行為真係好正常，不過如果有好多小朋友望住，都係唔好太過火好啲。
延伸閱讀：
