雅虎香港體育 
【烈火雄心】42歲陳少霞為富商丈夫誕6.2磅B女 「飛鳳」曾失婚捱過財困大病
曾跟劉德華屬師徒關係、現年42歲嘅陳少霞，喺2000年演完劇集《倚天屠龍記》後，跟澳洲籍華裔富商結婚後退出娛樂圈，兩人育有兩女，可惜離婚收場，期間自己與女兒患病，跌入人生低谷！不過坎坷過後唔止有艇搭，仲泊到個大碼頭！2016年陳少霞秘嫁8億富商、有「法拉利之父」稱號嘅李文輝，結婚3年，陳少霞成功懷孕，今個月11日更開刀分娩誕下6.2磅的女兒，母女平安，恭喜恭喜！
撰文：東方新地 圖片：新傳媒圖片、IG
陳少霞失婚後捱過低谷
93年、年僅16歲嘅陳少霞入娛圈拍攝處女電影《三個夏天》，曾獲提名第13屆香港電影金像獎最佳新演員提名。翌年，獲劉德華提拔並羅致旗下電影公司，二人曾在電影《天與地》中合演夫妻。95年她轉戰無綫，先後拍攝十多套劇集，包括《笑傲江湖》演岳靈珊、《狀王宋世傑》演袁小燕、《鹿鼎記》飾演雙兒，仲有現在喺深宵重播嘅《烈火雄心》，陳少霞喺劇中飾演「飛鳳」。
00年，陳少霞拍完《倚天屠龍記》拍攝後同無綫解約，跟澳洲籍華裔富商結婚後，並退出娛樂圈。不過直至06年，陳少霞前夫生意失敗破產之後二人離婚收場，由於變單親媽媽獨力照顧兩個女，經濟曾出現問題，更要由豪宅搬到天水圍公屋！2011年，陳少霞患上甲狀腺亢奮，性情大變。之後15歲大女又突然患上一型糖尿病，加上前夫離世，無依無靠嘅陳少霞頓感徬徨無助，後來靠宗教信仰度過難關，更決心復出掘金。
當年有傳陳少霞閃嫁富商息影而令劉德華不滿，二人斷絕往來，華仔更公開說「唔想再提呢個人」。不過早年李添勝榮休晚宴上二人再次碰頭兼selfie，力證冇芥蒂。
秘嫁8億富商做闊太
捱過艱苦歲月後，陳少霞認識8億富商、有「法拉利之父」之稱嘅李文輝並交往，二人喺2016年於牧師及教友見證下於教會結婚！陳少霞微博中可見，佢不時晒周遊列國相，儼如過闊太生活！
誕6.2磅B女
婚後3年，陳少霞成功懷孕，本月更為富商丈夫誕下6.2磅B女，據知，陳少霞為囡囡改名為書雅(Esther)。
李文輝來頭勁
有指陳少霞與李文輝於教會認識，當時男方參加教會一名姊妹飯局，席上認識陳少霞，被其氣質吸引，於是主動上前結識。之後，二人經常在教會聚會上碰面，互生好感便拍拖。報道指陳少霞覺得李文輝有型之餘，為人細心善良，就咁愛上對方；而李文輝則最愛陳少霞煲得一手靚湯，更深覺其賢淑及性格率直，最重要是生活樸素唔追求名牌！
原來，李文輝來頭好勁，身家豐厚坐擁十幾部法拉利同林寶堅尼超跑之外，更係首位將法拉利引入中港澳嘅人，之後再奪得瑪莎拉蒂代理權，因此有「法拉利之父」稱號！
延伸閱讀：
