雅虎香港體育 【買手信做善事？】10大必買馬來西亞手信
去旅行總會買手信返香港同親朋戚友分享下去旅行嘅喜悅，但係「唔知買咩好」就成為好多旅友嘅共同煩惱。KKday就為大家精心挑選咗十大又有用、又好食、又有意義嘅馬來西亞手信比大家，睇完包保煩惱Byebye！
一、紡織品
金綢緞(Songket) 同蠟染(Batik)係經常運用喺馬來西亞傳統服飾同居家佈置嘅布料。金綢緞係由絲同金、銀線所編織而成。而蠟染就擁有鮮艷嘅顏色同大膽嘅圖騰設計。黎到馬來西亞，不妨買幾塊紡織品，無論係用黎做頸巾披肩，或者整成枱布、枕頭套，都唔錯架！
▶邊度買？：中央市場、市集
二、檳城豆蔻油 Penang Nutmeg Oil
檳城嘅鐘金泉荳蔻油功能非常多，又可以內服，又可以外用。外敷嘅話主治風濕骨痛、鐵打刀傷、抽筋扭傷、消瘀散腫、湯火損傷、肚痛風咳；內服主治肚痛、風咳、哮喘等，而且功效顯著，所以深受大家歡迎。大馬人周時用佢，無介紹錯架。
三、Beryl’s 朱古力
Beryl’s 朱古力公司喺1995年成立，以生產馬來西亞特色嘅朱古力聞名。而Beryl’s 亦都研發咗獨特嘅榴槤巧克力，咁有特色嘅朱古力自然成為手信必買之選！
而除咗榴槤，大家都可以揀士多啤梨、芒果同Tiramisu口味，亦有酥脆、杏仁果乾等等嘅選項，滿足唔同口味嘅你。
Beryl's朱古力工廠
▶地址：No.2,Jalan Raya 7/1, Kawasan Perindustrian Seri Kembangan Seri Kembangan, Selangor Darul Ehsan, Malaysia.
▶電話：603-8943-6136
▶營業時間：星期一至五8:30~17:30、星期六8:30~15:30
四、三合一即溶白咖啡
馬來西亞嘅咖啡文化相當盛行，散佈喺大街小巷嘅Kopitiam（咖啡店）唔係專屬文青嘅去處，而係一般人嘅日常場所 —— 一個可以傾計、睇報紙、食點心嘅落腳點。
而白咖啡之所以咁受歡迎，除咗係因為馬來西亞嘅烘焙技術造就咗獨特嘅香氣外，濃郁而豐富嘅口感，擺脫咗咖啡苦澀嘅形象。鐘意飲咖啡嘅你，不妨買黎試下，話唔定會飲完一杯又一杯～！
▶價位：一包有十五小包，約馬幣12-15
▶常見品牌：OLDTOWN, Ah Huat, Aik Cheong
▶邊度買：超市、Kopitam（咖啡店）、Oldtown white coffee
五、咖喱醬
馬來西亞同好多東南亞嘅國家一樣，好識得運用香料黎煮野食。如果你鐘意馬來西亞風味嘅菜式，最直接嘅方法就係將呢啲醬料買曬返屋企喇！細細包又平又易帶，仲可以等你身邊嘅朋友有機會透過味蕾去旅行！
▶價位：馬幣4-7元／包
▶常見品牌：Brahim, Baba
六、檳城白咖哩公仔麵
唔好睇小呢包檳城白咖哩公仔麵，佢榮獲2014年全球10大好味公仔麵嘅第一名架！呢款公仔麵咁特別嘅原因係因為佢嘅辣椒醬濃郁得黎唔膩嘅口感，真係會令人食到上曬癮架～
白咖哩公仔麵岩岩開賣嘅時候，曾經掀起咗一股囤積公仔麵嘅熱潮，有啲人甚至直接衝去工廠大批大批咁買！不過唔使擔心，而家大部分嘅超市都會買到架喇！
▶價位：馬幣6.90/四包
▶品牌：MyKuali
▶邊度買：一般超市都有賣
七、BOH寶樂茶
馬來西亞嘅飲茶文化受英國殖民影響，除左媽媽當嘅印度拉茶(Teh tarik)之外，英國茶喺當地都非常盛行。
BOH寶樂茶係馬來西亞茶葉嘅大牌子，出產咗好多唔同系列口味嘅茶包，好似百香果、芒果等等特色口味。買嘅時候揀帶有花色嘅鐵盒，更加係非常適合送比親友架！
▶價位：約馬幣5元／25包
八、半生熟蛋煮蛋器
當地人最愛嘅早餐就是半生熟蛋加麵包！好多人一開始對於生蛋會有抗拒，但最後都係俾白嫩嘅蛋白、一劃開就流出蛋液同簡單嘅調味所征服。如果黎到馬來西亞一定要試下呢個絕配嘅味道！
而如果你真係真係好鐘意，只要買個煮蛋器就可以輕輕鬆鬆咁將呢份滋味帶返屋企！煮蛋器嘅使用方式非常簡單，只要將雞蛋放入機器度，再將加入熱滾水，等水喺入面由滿杯慢慢向下流，就完成架啦！
將雞蛋打入碗，比照馬來西亞嘅習慣喺上面撒上胡椒、豉油，無油煙又營養嘅早餐就完成喇！
溫馨提示：雞蛋係唔可以帶番香港架，煮蛋器就得！
▶價位：馬幣10元以內
▶邊度買：超市
九、LOT水果軟糖
鐘意食軟糖嘅朋友一定要試下LOT！ 芒果、提子、橙、蘋果、士多啤梨等五種口味任你揀，而其中以芒果最受歡迎～ 聽聞喺馬來西亞買嘅係會特別好食！
軟糖有分大包細包，大包嘅可以放喺屋企慢慢食， 細包嘅可以拎去分比朋友，送禮自用兩相宜就係呢啲喇！
▶價位：3.5馬幣／包
十、肉骨茶包
好多人以為肉骨茶（Bak Kut Teh）係新加坡嘅美食，但其實佢係初創於馬來西亞架！
「肉骨」係因烹煮過程中以帶肉嘅骨熬湯，「茶」則源於裡面嘅中藥的成份。所以雖然被稱為「肉骨茶」，呢道美食內係完全冇茶葉嘅成份！而平時大家最推薦嘅品牌係游建好同A1，無論係用黎當打邊爐，定係滷肉滷菜，都非常好食！！
▶價位：依不同品牌而定
▶品牌：A1、游建好、新峰
番外、領養海龜
最後，想要啲更有意義嘅手信？ 你可以用你朋友嘅名幫佢領養一隻海龜。
海龜係馬來西亞嘅保育動物，領養嘅錢將會作為海龜嘅保育基金。加入養育計劃可以獲得一隻海龜玩具、資料卡同埋證書。呢份手信又特別又為地球盡一份心力！真係好有意義架！下次去馬來西亞可以試下買呢種別出心裁嘅手信架！
▶領養計劃：https://www.pandashop.my/adoptaturtle/
▶價格：每個月馬幣38元起
▶更多資訊：WWF MALAYSIA
馬來西亞嘅手信就介紹到呢度，希望呢篇文可以幫大家慳番啲資料搜集嘅煩惱！如果想知道更多旅行實用好玩嘅資訊，記得Like番我地Facebook喇～
你可能有興趣：
▲認識KKday▲
KKday-世界旅遊體驗網站，在全球 54個國家，174 個城市， 有 5000多種不同的行程與體驗。 KKday內有最特別、最意想不到的的世界行程體驗！不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩，一站解決安排行程的困擾！現在，想來一場與眾不同的旅行就來KKday找行程，一起去冒險吧！
KKday 網頁: www.kkday.com
KKday Facebook: KKday
