馮盈盈跟言語治療師學正音 誓要搣甩「懶音界KOL」稱號

港姐冠軍出身嘅馮盈盈（FYY）上位速度非常之快，而佢嘅出位言論、敢作敢言嘅個性等通通都係佢嘅特色，不過同時懶音亦係佢嘅標誌。佢喺主持節目《#後生仔傾吓偈》時曾被「懶音特警」資深報幕員羅山先生瘋狂糾正懶音，榮升「懶音界KOL」。

不過估唔到原來馮盈盈俾人指出有懶音之後，佢真係有去跟羅山上堂，重新學講廣東話。佢噚日就喺社交網站出PO，以「FYY粵語正音奮鬥血淚史」為題，留言：「眾所周知 我FYY一直致力改善發音，遍尋方法消除懶音問題。由最初開始意識到有粵音錯誤，於是嘗試咬木塞讀報練習，但慢慢發現當我沒有認清粵語正確讀音，例如：朋 pang4 (韻尾-ng 舌根音)，而不是 貧 pan4 (韻尾-n 舌齒音)，再用力發音 都只會把錯音越練越深。於是我在<反黑路人甲>拍攝完畢後，跟資深報幕員 羅山老師 上正音班，學習標準粵語的正音正讀，打好粵語基礎，令我懶音情況大大改善。」

其後馮盈盈仲搵咗言語治療師上堂，希望用自身經驗去幫助想改善懶音嘅同路人：「但我仍有疑惑 要100%準確發音，就應該由根本學習粵語發音原理，例如：舌根音 講gong2。人人都只是說”用力發音不要懶 就能讀準” 或 “張大口去讀才準”，但力應該用在哪個發音器官？發音時舌頭應放在口腔哪個位置？所以我決定以科學化及research-based 方式學習廣東話，就是跟言語治療師 @angelchoww 上課。上了幾課，我已清楚認識到如何運用自己各個發音器官才能正確發音粵語，亦不會用錯力和多餘發音器官令說話感覺不自然。我分享自身經歷 係希望各位想改善懶音的朋友，最好還是跟老師上課學習，這樣才進步得最快，大家一齊講好廣東話💪🏻#長文 #非廣告 #自費上課#公司同事臥虎藏龍 #專業言語治療師都有 #又靚又叻 #網上教學都得 #注意衛生 #社交距離 #孜孜不倦 #希望讓大家看見我的進步💪🏻 #目標 #成為正音KOL #推廣廣東話正😤#lifelonglearning」

唔少網民知道後都紛紛留言叫佢加油：「👍🏻見到自己不足會認真去改善真係好好，希望係你下套劇可以睇到你嘅”正音”演繹😜」、「Thanks Yy☺️其實係你自己好努力就真! 💪🏽上堂嘅時候好專心，又努力抄notes，上完堂仲好俾心機做功課，你要繼續加油啊💪🏽💪🏽💪🏽大家好快就會見到你努力嘅成果!!」、「見你呢兩三年都好努力改善懶音，加油💪」、「做到老，學到老...加油呀FYY👏👏👏👏👏」、「果然有努力過，加油！！」及「加油呀，見到你不停進步」等等。