雅虎香港體育 【溫泉比併】日本山陽地區三大溫泉 神隱旅館大揭秘！
去日本浸溫泉，相信係唔少人至愛旅遊活動之一，日式溫泉旅館大家都應該住唔少，可能日本出名溫泉鄉例如草津溫泉、別府溫泉、函館溫泉、鬼怒川溫泉等都廣為人知；然而香港人未必太熟悉就係位於日本山陽地區中三個縣：山口縣、岡山縣及廣島縣，原來一樣有極出色溫泉，質素高之餘價錢唔似其他著名溫泉鄉咁每晚幾千蚊；而且到訪嘅多數都係日本本地遊客，大家就可以更投入呢個日本溫泉之旅啦！
岡山縣代表：美作湯鄉溫泉
首先介紹就位岡山縣美作市入面湯鄉溫泉，已經擁有一千幾年歷史！湯鄉溫泉之中呢一間「季譜之里」可以話美作溫泉旅館中最古舊最有味道；傳統式日本溫泉旅館，全館舖上榻榻米，館內所有木裝飾都用上縣內西栗村檜木。客房有露天私人風呂，如選擇地面樓層則可於日式庭園之中浸呢！
舒適度：****（以5星為滿分）
溫泉旅館走傳統日式風格，客房感覺溫暖，不過始終有少少舊，需要接受；而旅館旁就係小山林木，可以望住山景浸溫泉！
設施：****
客房設施好貼心，例如枕頭都有羽絨、蕎麥、珍珠質地可以選擇。旅館外5分鐘路程就有兩間超市，極為方便！
性價比：*****
作為美作市湯鄉溫泉最為古老傳統溫泉旅館，其房價亦好似停留於上世紀一樣，2月份露天私人風呂房每房都係$600一晚，仲已經係一泊二食！
季譜之里
預訂：按這裡
預訂其他岡山酒店:
廣島縣代表：宮島溫泉
被日本人稱為「神島」嘅廣島宮島，大家可能都會喺照片中見過佢最為特色嘅水中鳥居。而其實宮島同樣有溫泉鄉，而且地下溫泉水能量更被稱為「日本三大能量泉源」之一。宮島溫泉鄉中，編輯推介開業百年嘅「錦水館本館」，距離嚴島神社只有3分鐘路程，旅館位處瀨戶內海旁，可欣賞無敵海景；另一賣點係旅館所選用食材，7成都係旅館自家出品，相當有心思！
舒適度：***（以5星為滿分）
如果有得揀，請一定要挑選面向海嘅客房，因為可以望住鳥居及瀨戶內海！旅館未設入私人風呂，只有大浴池。
設施：****
宮島神社日頭旅客眾多，可能比較多人嘈雜，但一到晚上反而格外寧靜，加上浪潮聲及亮燈嘅鳥居，好不浪漫！
性價比：***
2月尾出發海景房要成$3,700幾，的確唔算平，不過都係一泊二食，享用著名嘅自家出品溫泉料理！
錦水館本館
預訂：按這裡
預訂其他廣島酒店:
Agoda
山口縣代表：湯本溫泉
最後登場嘅，就係山口縣位於長門市嘅湯本溫泉鄉，當中今年3月即將開業，就係日本舉國知名旅館品牌星野集團「界 長門」。屬於星野集團最高級數嘅「界 長門」將採用現代設計融入江戶時代畀天皇、高官作為譯站休息嘅「御茶屋屋敷」為主題。旅館中一切都彷照當年日本戰國各軍伐藩主嘅居所，非常舒適。加上星野集團啱啱同長門市合作，成功翻新湯本溫泉街，大家當然可以搶先睇同享用當中設施啦！
舒適度：*****（以5星為滿分）
星野集團可謂信心標誌，客房可揀和式或西方房，但兩種都絕對係舒適至極；大部分客房亦靠山旁，可以眺望林景。
設施：****
為突顯日本戰國時代風格，客房嘅一磚一瓦都採用當地著名土產，例如瓷器等用上全國知名嘅山口縣萩燒；德地出產嘅和紙等。
性價比：****
作為名牌星野集團最新溫泉旅館，一泊二食基本房每晚$1,600 ；而私人風呂房則為$3,600 ，都係正常高級日式溫泉旅館水平，作為新館入住，算抵啦！
界 長門
預訂：按這裡
預訂其他山口縣酒店:
Agoda
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
