「巴」「皇」躉齊貼愛隊贏2：1

now.com 體育

【Now Sports】西甲國家打吡明晚爆發，sports.now.com特別邀請巴塞香港球迷會、皇家馬德里香港球迷會的會長先在網上舌戰一番，兩人都撐愛隊以2:1獲勝。June（皇家馬德里香港球迷會）
Alan（巴塞香港球迷會會長）

問：兩位請講覺得愛隊贏波嘅理由？
June：今次有機會贏，係因為隊波呢排近況麻麻，次次麻麻哋去踢打吡會精神啲啲，睇到比寧咸、雲尼素斯開始踢到啲form出嚟，頭幾場覺得佢哋只係靠個人能力，近期雖然見到後防薄弱，但係見到佢哋前線有少少組織，所以希望有啲驚喜。
Alan：首先係因為愛！而主場之利都係一個原因，雖然June話佢哋作客反而贏到巴塞，但我又覺得主場會有優勢，另外加上沙維呢幾次主場帶隊踢國家打吡都力克皇馬，所以今次就算傷兵滿營，我哋都有信心可以攞 3分。
June：如果安察洛堤唔係出怪陣就穩陣啲，佢次次對馬德里體育會、巴塞出一啲奇怪嘢就會衰。

問：比寧咸大爆發原因係咩？
June：其實我冇咩睇佢喺多仔（多蒙特）嘅表現，佢大爆發可能因為冇咗賓斯馬，多咗啲空位同埋對方死嘜住前面兩個。見到我哋箭頭開頭冇咩入波，佢反而突出，啲撞射、one-two就入到波。同埋佢個人能力好強，見啲人拉佢都拉唔跌，就算跌都護到波起番身，抗壓性都幾強，而把握力都幾好。

問：估計巴塞點樣抵擋比寧咸，有咩部署？
Alan：相信沙維同教練團隊都留意到，佢的確係當紅人物，狀態好好係事實。不過巴塞一向好少人盯人，尤其係傷兵好多，法基迪莊同柏迪出唔出到都成問題，好難搵專人應付比寧咸，所以會忠於自己風格，相信球隊用番短傳同逼搶。如果後防線達標，應該有能力鎮壓到佢。

問：皇馬今季戰術上有咩改變？
June：我覺得佢哋踢緊啲組織，好似啱啱場歐聯對布拉加，可以見到費達歷高華維迪一踢上前，雲尼就會跑一段路之後傳中，打多咗類似啲快攻。之前中場嘅卻奧斯、摩迪傳球準但速度相對慢，依家見到隊波做多咗快攻組織，所以卻奧斯同摩迪好少同時出現，始終需要一個傳到波同hold到中場，但如果兩個同時落場隊波就會慢。

問：球迷仲有冇掛住賓斯馬？
June：其實都有，我哋冇成日提起但有留意佢喺沙特阿拉伯踢成點。不過因為有比寧咸，啲人貪新忘舊（Alan即時指手劃腳，插口笑說「呢個會長都係」）。我哋最近搞波衫團購，十件有九件都印比寧咸。講番轉頭，當年基斯坦奴朗拿度走咗第一年都仲有人印佢波衫，但賓斯馬就少。

問：點睇巴塞啱啱入波嘅基奧？
Alan：嗰日我哋見證佢絕殺畢爾包，不過所有巴迷都諗佢得17歲，唔希望畀太大壓力佢，始終拉馬西亞出咁多青訓，周不時會出一兩個好亮眼，但之後又冇咗影，真係成功到好似美斯、沙維、恩尼斯達嗰啲其實寥寥可數。希望佢喺沙維帶領下慢慢健康成長，太過focus佢就會變咗另一個法迪。

問：法迪似乎喺白禮頓站穩陣腳，估計佢仲有機會回頭嗎？
Alan：我哋都希望法迪可以回復初出道時嘅水準，尤其重建自信，期待白禮頓領隊迪些比嘅調教，有表現絕對歡迎佢返嚟。始終好多巴塞球迷對青訓有一份情意結，我哋都希望每一位青訓球員喺每個地方、每一個崗位都可以成功。

問：巴塞今次會著Rolling Stones波衫，球迷有咩評價？
Alan：呢件好嘢嚟吖！唔止Rolling Stones，之前同兩三個組織合作過，其實冇咩問題，國家打吡大家當助興吓、fashion show。仲有最緊要可以幫巴塞賺多啲錢出糧。巴塞之前出Rolling Stones產品，一出就賣晒，啲人可能都好鍾意Rolling Stones。睇吓幾時出埋Mirror！
June：我哋一開始見到都覺得幾得意，唔知球員對住呢件波衫會唔會忍唔住笑？

問：你哋估嘅最後比數係咩？邊個球員會先入波？
June：我估2:1，好似近排贏親都係2:1。我估後衛會入波。希望贏，就算輸都唔好咁核突，因為次次輸親都好鬼核突。（Alan展示五隻手指示意2018年巴塞大勝5:1）
Alan：我都係估贏2:1，講真以依家人腳，我相信巴塞冇咩能力可以大炒到，呢個係事實，有得贏就算。至於入球者，依家連邊個出得都未知，假設冇利雲度夫斯基、法基迪莊、柏迪，我覺得可能係祖奧菲力斯。

問：祖奧菲力斯喺巴塞發展唔錯......
Alan：初時巴塞話借佢番嚟，我哋有啲巴迷都唔睇好，但估唔到呢幾場波完全融入到巴塞嘅體系，亦都諗唔到佢同隊友有咁大化學作用，尤其佢同利雲頭幾場啲one-two同no look pass，你真係估佢唔到。喺馬體會見唔到佢呢啲嘢出現，你唔知以為佢係巴塞青訓出身。不過佢呢幾場腳風冇咁順，對畢爾包都中楣，或者國家打吡大家踢爭氣波，對佢有期望。

問：皇馬驚菲力斯嗎？
June：佢好少對我哋入波（兩人齊大笑，Alan插咀說「馬體會成日被皇馬恰住」），馬體會入我哋最多波應該係摩拉達。

問：今場國家打吡喺香港時間22:15開波，你哋各自有冇睇波活動？
June：我哋同西甲會喺中環海濱旁邊，摩天輪下面一個露天地方搞睇波活動，我從未去過，係一個全新環境，好靚，希望到時唔好落雨。
Alan：西甲都有聯絡過我哋，問我哋有冇興趣以Party形式睇波，但因為我哋要開會員大會，所以另外喺銅鑼灣book咗場地睇波兼開會。

【編按：訪問完結前，兩人異口同聲推介大家留意香港上演的「國家打吡」，原來兩間球迷會將於周日在香港球迷會聯賽對撼......又是另一場龍爭虎鬥。】

巴塞香港球迷會
https://www.facebook.com/barcahongkongfanclub/

皇家馬德里香港球迷會
https://www.facebook.com/realmadridhkfc/

【西甲】巴塞隆拿VS皇家馬德里
Now TV 632台28/10 22:15直播
Now E 同步直播

相關文章：
【球迷會請入】般尼從來不易！
https://sports.now.com/home/news/details?id=38858783508
【球迷會請入】國米躉：杜林可能一季入20球
https://news.now.com/home/sports/player?newsId=sp38855185797
【球迷會請入】棒球大聯盟：上屆港隊已不再捱打 【亞運特別篇】
https://news.now.com/home/sports/player?newsId=sp38852821552
【球迷會請入】拿玻里躉：快啲搞搞條防線！
https://news.now.com/home/sports/player?newsId=sp38850680695
【球迷會請入】德友：為重召湯馬士梅拿驚訝
https://sports.now.com/home/news/details?id=38848258625

相關內容

  • 阿特蘭大攻兩盃賽 加斯柏連尼化腐朽為神奇

    【Now Sports】阿特蘭大既已殺入意大利盃決賽，又再歐霸盃躋身4強，令人喜出望外。主帥加斯柏連尼能夠以有限資源物盡其用，應記一功。周四歐霸盃4強首回合，由阿特蘭大作客馬賽，前者爭取繼上一圈爆冷淘汰利物浦出局後再創佳績。阿特蘭大現時意甲排名第6，但盃賽處於強勢，加斯柏連尼（Gian Piero Gasperini）盡顯化腐朽為神奇的能力。球隊今季由韋斯度簽入前鋒史卡馬卡，轉會費2500萬歐元，並由AC米蘭借用迪基達拉，加上陸文和高文拿斯等表現出眾，可說以有限資源踢出成績。回想加斯柏連尼執教國際米蘭時，失敗收場，部份原因是缺席老闆支持，同時也被傳媒質疑3中堅的打法，如今率領阿特蘭大闖入歐霸盃4強，重新燃起其他班霸的注意。經歷過國米的慘痛回憶，這名白頭主帥才會安心留在阿特蘭大，接受管理層「低買高賣」的手法，轉眼任教8年，欠的就是一座獎盃作為回報。【歐霸】馬賽VS阿特蘭大Now TV 644台03/05 03:00直播Now E 同步直播

  • 塞爾特人魔術贏波 雷霆聽牌

    【Now Sports】NBA季後賽，東岸塞爾特人與魔術齊齊贏波，雷霆則在西岸系列賽擊敗塘鵝，場數領先至3:0。美國時間周六東岸塞爾特人對熱火的第3場系列賽，雙方只有開波初段打成3:3後，其後塞爾特人一直保持火紅手感，先是打出一段9:0攻勢，在首節曾領先12:3。第2節全隊轟入42分，比熱火多射入15分下，半場已拉開比分63:39。最終塞爾特人在下半場繼續保持雙位數分差的優勢，以104:84擊敗熱火，場數領先2:1。塞爾特人今戰有祖魯賀列迪射入23分；主將帝譚亦攻入22分；熱火方面則以艾迪巴約拿下20分為全隊最高。另一場騎士對魔術的東岸第4場系列賽，騎士上半場在當路芬米曹攻入18分、謝拉特亞倫射入16分下，半場以60:51領先。不過魔術下半場加強防守，逼使騎士第3節只拿下10分，另一方面法蘭斯域拿該節射入全場34分當中的12分，帶領魔術以112:89、23分的差距贏波，場數追成2:2。西岸雷霆對塘鵝的第3場系列賽，首節雙方得分相若，但雷霆在第2節打出一段14:0的攻勢，令他們半場以60:46領先後，下半場一直保持雙位數領先至完場，終以106:85贏波，場數已領先至3:0。今戰雷霆4節得

  • 獨行俠大炒快艇晉級叫糊

    【Now Sports】獨行俠周三在關鍵的季後賽首圈Game 5，靠盧卡當錫獨取35分以及艾榮也有出色表現，以123:93大炒主場的快艇，總比數領先3:2，Game 6倘回主場勝出就能晉級。null

  • 民族盃帆船賽｜「帆船界七欖」風雨中上演 Barbie海賊王玩轉維港

    【體路專訊】由香港遊艇會主辦的第十四屆「民族盃賽」周日（28日）假維多利亞港圓滿舉行，逾七十支勁旅包括澳洲、比利時、英格蘭、法國、德國、愛爾蘭、意大利、日本、荷蘭、紐西蘭、蘇格蘭、瑞典、菲律賓、瑞士、美國及中國香港等十七個國家或地區，分成RHKATI 及PHS兩大組別在維港作賽。 開賽日天公不造美，一眾參賽者風雨中於維港以東水域作賽，在維港出發後，繞過將軍澳對開的浮標後，再返回維港衝線。在「RHKATI組別」一共有五十七支船隊，「PHS組別」則有十四支船隊。最後，中國香港代表團「2 Easy 號」在眾多民族中脫穎而出，於「PHS組別」封王；英格蘭代表團「Gambit號」則於「RHKATI組別」稱霸。「Tin Tin in Hong Kong 號」一眾船員以漫畫 《丁丁歷險記》中的角色及電影《旺卡》中的主角造型打扮上陣應戰，榮獲「最佳服飾獎」冠軍。 香港遊艇會自二零一一年舉辦「民族盃賽」，至今已是第十四屆賽事。一般的帆船賽事，不同國籍的帆船運動員可以組隊比賽，故不時會見到華洋匯聚的船員同賽於維港中；而「民族盃帆船賽」則規定是每隻參戰的帆船上，所有船員的國籍必須與該船所代表的民族及或地區一

  • 古圖奧斯落實緣盡EURO

    【Now Sports】比利國家隊教練迪泰斯高周二證實，正選門神古圖奧斯將無緣出戰今夏歐洲國家盃。比利時國家隊鋼門古圖奧斯（Thibaut Courtois）獲證實，將肯定缺席今夏歐洲國家盃決賽周。泰迪斯高周二面對德國傳媒訪問時回應指，隨著該皇馬門將缺席，隊長臂章將落入中場迪布尼或前鋒盧卡古之手。他說：「古圖奧斯能否出戰的問題，一切已有答案，之前大家已說過，情況沒有改變。」現效力皇家馬德里的古圖奧斯，今季因膝部韌帶傷患缺席整個球季，3月再傷導致需要接受另一次手術，禍不單行。該比利時國腳自2011年首次代表國家隊，迄今擁有102頂喼帽，原本被視為歐國盃第一把交椅，卻在去年自行宣佈希望渺茫。古圖奧斯周初回到皇馬大營，在歐聯4強首回合對拜仁慕尼黑前為隊友打氣，教練安察洛堤透露盼周六聯賽對卡迪斯能獲門神歸位。

  • 拿度淘汰迪文拿奧成功復仇

    【Now Sports】周六馬德里網球公開賽男單次圈，拿度直落兩盤拍走迪文拿奧，成功報仇。拿度（Rafael Nadal）早前在巴塞隆拿公開賽次圈曾以直落兩盤不敵迪文拿奧，如今再度相遇，甫開賽便成功破發，只是很快就被追平。拿度在tie-break一度被迪文拿奧狂追，終贏7：6（8：6）拔頭籌。第二盤，拿度打得相對輕鬆，再贏6:3晉級，而且成功復仇。他在第三圈將面對爆冷淘汰迪亞科爾的卡千。37歲的拿度表現令人印象深刻，但他強調與最佳狀態相差甚遠，「這需要時間。有一段時間，我的水準很高，能夠做一些正面的事，但時斷時續。打兩個多小時對我來說意義重大。」「我相信過去兩年，我的網球不是一個問題，最大問題是身體。如果我能夠連續數周打球，那麼我就可以看到我的競爭力有多大。現時未到這個情況，一步步來吧，看看我恢復得如何。」拿度補充。

  • 桌球世錦賽｜奧蘇利雲吞敗八冠夢碎 卓林普同遇滑鐵盧Top 10全數出局

    【體路專訊】世界桌球錦標賽進入白熱化，周三（1日）的8強戰連環爆大冷，先有世界排名第2的「準神」卓林普在9：9後連失4局，以9：13不敵排名44位的鍾斯（Jak Jones），「世一」奧蘇利雲（Ronnie O’Sullivan）亦步其後塵，以10：13不敵冰咸（Stuart Bingham）、八冠夢碎，至此世界Top 10全數出局，4強中三人均是資格賽球手，這是相隔47年再次出現的「奇境」，令球迷大跌眼鏡。 2019年世界冠軍卓林普今季狀態「弗」爆，已奪得五項排名賽冠軍，今次世錦賽被捧為第二奪冠熱門，僅次奧蘇利雲。「準神」首圈以10：5輕取伊朗「一哥」賀辛（Hossein Vafaei），次圈同樣未受考驗以13：7篤走福特（Tom Ford），不過8強遇上名不經傳的鍾斯卻遇滑鐵盧，雙方前兩階段戰平8：8，進入最後一個階段，鍾斯以60：27先勝一局，卓林普隨即贏59：24迫和9：9，惟他未能保持勢頭，反而頻頻犯錯，最終鍾斯憑兩棒60+及一棒「破百」連贏4局，總分以13：9奏凱爆冷闖入4強，「準神」則成為今屆世錦賽第13位被淘汰Top 16種子球員。 滿以為卓林普出局後，同處上半線的奧蘇

  • 賀蘭成「野蠻人之王」

    【Now Sports】曼城前鋒賀蘭高大威猛，樣貌甚為卡通化，如今真的「走進」遊戲中！挪威入球機器賀蘭（Erling Haaland）將首次現身電玩，成為大受歡迎的《部落衝突》（Clash of Clans）的角色之一。今年23歲的賀蘭將成大熱手遊《部落衝突》的角色之一，在新一季以足球為主題的模式中，化身「野蠻人之王」（Barbarian King），造型維妙維肖，相信令球迷萬分期待。「我一直是這遊戲的粉絲，成為角色之一感覺很正，一定要告訴全世界。」賀蘭雀躍表示。由5月1日起，《部落衝突》的玩家將可使用「賀蘭」這新角色，挑戰其他部落，爭取成為王者之王。這名曼城前鋒上季大殺四方，打破單季英超入球紀錄，今季受到傷患困擾，仍能射入32球。

  • 港超聯｜大埔贈港會3蛋追趕榜首 陳肇鈞：不過份在意爭標對手戰果

    【體路專訊】港超聯今日（28日）上演4場賽事，其中大埔作客港會「地獄主場」，最終憑盧卡斯、陳肇鈞及比迪高各建一功，以3：0輕取對手。賽後「綠戰士」以35分排積分榜第4，保持威脅理文及傑志的機會。惟今場當選最佳球員的陳肇鈞（Philip）賽後直言，不會過份在意爭標對手的戰果，冀盡力踢好餘下賽事，為球季劃上完美句號。 大埔上場賽和傑志，間接造就理文進一步拉開榜首優勢。前者今場作客港會強陣出擊，上場正選陣容唯一變動是由蔡立靖取代雷仙奴。主隊則有菲杜化代替停賽的積施利出任隊長，正選門將則由邁亞換成港將馮朗軒。 大埔今場盡佔優勢，首席射手盧卡斯上半場中段於禁區內接應蔡立靖傳送，無人看管下燙射右上角「笠死」馮朗軒，助球隊先開紀錄，半場領先1：0。換邊後客軍繼續搶攻，戰至75分鐘，李家豪右路擺脫防守球員傳中，陳肇鈞及時趕到頭槌頂入，為球隊拉開比數。大埔在完場前1分鐘再有比迪高「埋齋」，最終以3：0輕取港會。 今場最佳球員再次落到Philip手上，此子賽後承認，入球有助自己重拾信心：「早前幾場硬仗中吃了幾次『詐糊』，自己都需要一個入球找回信心，幸好今日可以把握到機會。」問刑爭標前景，他表示現階段不會再

  • 大戰前內訌？傳漢尼斯狠批杜曹

    【Now Sports】大戰當前，《圖片報》稱拜仁慕尼黑內部再現緊張，因為榮譽會長漢尼斯在會議上公開批評了教練杜曹，令對方感到不悅。據悉在拜仁慕尼黑擊敗法蘭克福的德甲比賽翌日，漢尼斯在一次會議中批評杜曹（Thomas Tuchel）沒有能力令阿方素戴維斯及柏夫洛域等小將進步。這位拜仁主帥聽完後也不甘示弱，直指漢尼斯沒有看清實際情況，甚至覺得自己作為教練的自主權受到干預。事實上，杜曹周一出席歐聯賽前新聞發佈會時，也有被問到有關的內訌傳言，他只表示不想多說甚麼，也沒有值得討論的地方。漢尼斯已不是首次批評杜曹，追溯到去年10月，後者當時曾將成績問題歸咎於隊內傷兵多，卻被這位榮譽會長反諷，認為拜仁人腳已經非常充足，板凳上有很多國腳球員，只是杜曹不懂用。《踢球者》認為漢尼斯在大戰前突然作出這樣的批評，是因為杜曹近期人氣回升，有球迷聯署要求拜仁改變主意，下季留用這位教練，但漢尼斯屬意另覓良帥，所以此舉希望令杜曹自己感到「冇癮」而下定決心離開。【歐聯】拜仁慕尼黑VS皇家馬德里Now TV 643台01/05 03:00直播Now E 同步直播

  • 打破不和傳聞？沙拿宣傳紅軍球衣

    【Now Sports】沙拿早前與高普鬧交，外間難免傳二人不和。但前者最終有份幫手宣傳利物浦來季新球衣，以行動打破謠言。沙拿（Mohamed Salah）在利物浦對韋斯咸一役後備入替，於場邊與領隊高普爭吵，事後有人猜測他將在季後離開球隊。然而，紅軍周四發佈來季新主場球衣，宣傳片中沙拿亦是模特兒一員，季後離隊的說法不攻自破。回說利物浦的新球衣，設計靈感源自1983/84年球季波衫，紅軍當年贏下3冠王，聯賽、歐洲冠軍盃和聯賽盃都奪下桂冠，是球隊輝煌的一頁。這件受到啓發的新球衣以傳統的紅色作主色，衫身印有「You'll Never Walk Alone」字樣，衣領用了紅白直邊布料跟衫身連接的設計。不過紅軍粉絲卻似乎不太滿意：「為甚麼放棄了領口，只是在上面貼了直邊布料？我覺得那是一個糟糕的處理。」另一人則說：「除了衣領，我甚麼都喜歡。」儘管球迷對新球衣的設計不太接受，但雲迪克則相當喜歡：「我是來季新球衣的忠實粉絲，很喜歡將復古氛圍帶回來。我們是一間建立在深厚歷史上的球會，尤其是1984年，那是我們有史以來最成功的一屆。」