外母說話有骨鬧女婿 港媽：老公要搬返奶奶家

婆媳大戰就聽得多，但原來外母與女婿的紛爭亦可演變成「家變」⋯⋯ 有港媽剛誕下一對孖女，回娘家坐月，照顧BB的重任就落在奶奶、自己娘家和老公身上。她指，老公主要夜間照顧，而日間就由她媽媽和奶奶分擔，令她可以盡量休息。 可惜外母與女婿的紛爭亦由此起！ 她指老公「通常一起身個樣都衰衰咁，成日都黑口黑面，好似成村人欠左佢咁，又埋怨辛苦」，於是她的媽媽就看不過眼，認為初為人父，辛苦是必經階段，不應抱怨，「覺得佢唔尊重過嚟幫手嘅奶奶 ，我阿媽個人就睇唔過眼就會出聲，同埋講嘢會有骨 ，針針都針對我老公」。 從此這位港媽就煩了，她夾在媽媽與老公之間，左右做人難。「一同阿媽講，阿媽又鬧；一同老公講，佢又話我唔幫佢」她認為老公的態度欠佳，但在夜更照顧BB時，的確照顧得好；而她媽媽則說話很難聽，「我阿媽而家好憎佢 ，句句都唔會放過佢」。

港媽擔心家庭會因而破裂，因為老公覺得在她的娘家受氣，說想搬回與奶奶住，以免對住外母。她憂長此下去，會影響夫婦關係，甚至影響家庭「冇彎轉」。 網友留言兩極化，有人指她老公黑面是不對在先，不應對長輩無禮； 但亦有人為她老公說話，指出夜更照顧2個BB，睡眠不足，「個人難免會燥」，有壞脾氣亦是正常，更有人指她的老公能幫手照顧BB，已經很值得稱讚，「唔似我屋企個少爺」，讚揚她的老公有付出。 聽完網友勸告，港媽表示感謝大家提醒她，讓她知道老公照顧BB很辛苦，受外母單打也很難受，她將會安慰老公補償。