雅虎香港體育 
坤哥收入十級跳 秘密搬去貝沙灣
「莫欺少年窮」呢句話真係啱聽，當日吳業坤喺台慶扮棋畀網友笑，不過你有你笑，坤哥密密開工做到冇停手，近日有傳佢秘密搬去貝沙灣四期一個市值千八萬細型單位，嗰度即使月租都要三、四萬，冇番咁上下收入都好難應付龐大開支，坤哥你係得嘅⋯
撰文：東方新地｜
延伸閱讀：
坤哥收入十級跳 秘密搬去貝沙灣坤哥靠「毒男」形象上位，拍戲唱歌廣告登台都有佢份，收入增加，而當年佢喺台慶更加扮一隻棋而成為話題！坤哥入行初期住喺樂富屋邨，之後上年畀本刊影到佢搬到大圍私樓，估唔到今年十級跳，搬去南區豪宅貝沙灣，真係財來自有方！
升呢做車主
昔日坤哥多以巴士或港鐵代步，非常慳家，參加過《超級巨聲2》出名後，被途人影咗唔少地鐵相。不過佢去年憑〈原來她不夠愛我〉等大熱K歌橫掃各大頒獎禮，人氣急升，工作接不停。所以漸漸開始改搭的士，今年再進一步，升呢做車主！
生意多多
升咗呢嘅坤哥早前跟《巨聲》陳國峰等合資在西環開拉麵店「巨二麵堂」，巨二取《超級巨聲2》的意思。
上年8月，坤哥在紅館舉行一場個人演唱會，多人留言斥責坤哥以歌手身份出道僅16個月便在紅館開個唱「歌都未夠」、「無咁大個頭戴咁大頂帽」等，但都為佢帶來30萬收入。
近日，勁賺過千萬嘅坤哥投資了6位數字在尖沙嘴開設西裝店Baron Tuxedo，開幕當日，請來JW及胡鴻鈞做嘉賓。
公屋搬風水屋
坤哥本與家人同住樂富橫頭磡邨公屋多年，最近租住新居大圍恆豐花園，20年樓齡，單位採三房兩廳間隔，800多呎，另有工人房及士多房，仲有埋會所，月租兩萬算好抵住。曾有人目睹坤哥母親及胞妹在上址出入，估計孝順坤哥遷居後繼續與家人同住。居所背靠山巒，居住密度不算高，環境清幽，啱晒坤哥宅喺屋企寫歌！
墳景旺星途
恆峰花園背山面向城門河，不過大部分單位望到墳景，令不少人敬而遠之！但根據玄學家吳佩孚師傅指，其實墳景對藝人星途有幫助！由於娛樂圈屬偏門行業，墳景雖然會加重陰氣，不過陰氣即係財氣，帶來財運的同時，更可幫助吸納女性粉絲，相信新居將更有助坤哥吸金！
吳業坤其實都好勤力，工作不斷，早前佢至同麥美恩、歐陽偉豪(Ben Sir)及季蘋蘋到台灣拍《Ben Sir睇樓團》節目，夜晚仲去咗墾丁出火風景區玩，眾人喺觀景區內大玩俗稱「仙女棒」的煙花！
延伸閱讀：
