【德能私家咪】李德能：亞洲盃激發人文精神

好想分享一點人生數十載都不曾有過的感受。

出於好奇，昨日我冒昧跟身在卡塔爾的香港隊支持者聯絡，

我問 ：「港隊啦啦隊， 大概有幾多人?」

群組中的女皇卡答我：「300人走唔甩。」

「係咪全部? 識唔識都計埋喎?」

女皇卡答我：「一個看台得一種球迷，全部都識。」

其他人知道我不在卡塔爾，Ringo就話：「幫你嗌埋。」我跟女皇卡和Ringo其實並不認識。

因為香港隊，幾百人走在一起，大家一條心，就是自己人，有人遇到疑難，人人爭住答，即使在香港足球興旺的那些年，都未必有這種情懷，齊心、自發、自費，不為甚麼，只想支持，多個人多把聲，讓香港被看見，被聽見。

說到「聽見」，為視障人士而設的「開聲睇」，亦嘗試為亞洲盃提供口述影像服務，我大膽一問，很快就得到HoyTV的積極回應，不過，涉及的問題原來比預期多，既包含版權，又包含傳輸技術和地域規限，由於服務對象只是一小撮視障人士，如果電視台話「唔好意思，幫唔到手」的話，我會完全理解，沒料到，不放棄的反而是電視台的朋友，加上失明人協進會的努力，我見到問題一個一個被解決，是另一份喜出望外。

因為香港隊打入亞洲盃決賽周，帶出了一份濃濃的人情味，以及一種人文精神。這幾天，仍然有人陸續起行去卡塔爾，令這份源自民間的力量更加壯大，一起為香港的足球發展史譜寫美麗的新篇章。

對巴勒斯坦的比賽，絕對不會容易，巴勒斯坦對阿聯酋的比賽，表現出色。但不管戰果如何，我認為今次香港都是滿載而歸，因為大家一齊為香港足球注入了力量，更加可以滿懷信心地高叫一句：We are Hong Kong。

表現一場比一場好，對伊朗稱得上佳作，儘管敗陣，但感覺不苦，因為贏了尊重和自信。多謝香港隊上下的努力，還有曾經在外圍賽上陣的辛祖、羅素、艾力士、王振鵬、唐建文、馮慶燁、基頓、丹尼、夏志明、鍾偉強、羅拔圖、鄭兆鈞、迪高、簡嘉亨、基奧雲尼、梁諾恆、梁冠聰、徐宏傑、余煒廉、黃梓浩、劉學銘和黃洋大哥，給我們一個甜甜的「多哈Ａ夢」。