【Now財經台】據了解，積金局計劃提高強積金供款入息上下限，有勞資代表在本台節目《時事全方位》上表示，同意提升下限，不過，資方代表則指出，現時本港經濟不景，希望當局考慮現階段是否一個調整上限的合適時機。 香港中小型企業聯合會主席鄭仲邦說:「都唔係話商界咩都一面倒反對，我哋係支持(提升)下限，可以有多啲現金喺袋可能係好事，上限嗰度要睇返個時勢，係咪一個好時機，雖然已十幾年不變，但都要睇返商界嘅狀況，大家都知道唔好講話政府財赤，我們企業都財赤。」立法會議員(選舉委員會)林振昇說:「依家就算一個最基層嘅工友，可能講緊外判嘅清潔工人，可能每個月都8000、9000蚊人工，變咗呢個7100元(下限)已經不合時宜，上限方面參考返法例，全香港打工仔收入分布90分位數，依家差唔多去到60000蚊，都明白好多企業要一下子大幅提升及增加供款都有壓力，都係理解，但33000蚊係咪略為低咗啲？」