雅虎香港體育 - now.com 體育
【意大利熱血球迷】愛的懲罰，Ciao！
【Now Sports】編輯朋友一完場就笑我係上屆【熱血球迷】最遲收筆嗰個，今屆係最早離場，冇得呃稿費嗰個。勉強冇幸福，意大利今屆係踢得差，夾硬上沒有好結果，意料中事。撰文：Malena（燕飛）由第一場開波冇幾耐就掟個界外球俾人入波，到今場俾瑞士K.O.，就算係支持者都要承認，今屆意大利冇幾多分鐘踢得好。分組賽差啲出局，面對上屆手下敗將瑞士完全唔夠踢，技不如人，一路睇，一路唔敢唔想睇落去，支持愛隊變懲罰。陪我睇波嘅朋友問我：「上屆點贏冠軍㗎？」我冇出聲，心諗：3年啦，成個世界都變晒啦。除咗當拿隆馬、巴利拿同埋新晉嘅卡拉費奧利，其他全部都抵鬧，尤其係教練史巴利堤，人腳換幾次，執極都執唔好，逐個球員秤都冇理由俾瑞士咁樣㩒住揪。唯一安慰係打起個卡拉費奧利，其實意大利本來仲有個小白臉史卡雲尼，只係傷咗踢唔到決賽周，意大利幾差，始終代代都出到好後衛。出局都應該要大方祝福西班牙同瑞士入決賽，由贏過我哋嘅對手攞冠軍，個心都舒服啲。上次提到好怕見意大利球員著嗰件白色波衫，覺得男人著總係娘娘腔，寫完俾人鬧。其實我係話唔啱男人著，件衫啱女人著。跌價啦，我會買番件留念。下屆大賽有緣再見，Ciao！撰文： M
now.com 體育16強開打 意大利吞瑞士兩蛋衛冕夢碎
【Now Sports】歐國盃16強周六展開，首場便爆出冷門，意大利以0:2不敵瑞士，衛冕夢碎。意大利變回4-3-3陣式，艾沙拉維擔正，與史卡馬卡、費達歷高基艾沙組成鋒線。瑞士以安保路掛帥，配合列達、魯賓華加斯。瑞士上半場踢得出色，列達美妙二傳，安保路單對單面起腳被當拿隆馬救走。37分鐘，華加斯左路傳中，富拿（Remo Freuler）從中路突入，無人看管下射入，瑞士先開紀錄。瑞士於補時差點拉開比數，列迪射罰球被當拿隆馬飛身撲出底線，半場領先意大利1:0。易邊後僅25秒，意大利在禁區邊再有大量空位，華加斯在左路射世界波直飛遠柱，瑞士拉開比數。意大利努力反撲，74分鐘，史卡馬卡接應傳中近門中柱，未能追回一球，以0:2負瑞士出局。
- now.com 體育
拿高士文：非比尋常的勝仗
【Now Sports】德國力克丹麥晉身歐洲國家盃8強，教練拿高士文顯得釋懷，直言贏了一場非比尋常、滿途荊棘的硬仗。「這是一場非比尋常的比賽，頭25分鐘是我們在賽事所表現最出色的。然後我們取得一個我認為是合法而球證推翻的入球。」拿高士文在德國周六歐國盃16強賽贏丹麥2:0後說：「到最後，這是一場滿途荊棘的比賽，我們在逆境中奮戰。」是役戰局確是峰迴路轉，計有德國的舒洛達碧吃詐糊，比賽其後因天雨暫停，及後到丹麥食詐糊後旋即因安達臣禁區內犯手球輸12碼，德國一來一回破缺口後終再入一球。這亦是德國自2016年EURO以來，首次晉身大賽8強，將與西班牙或格魯吉亞爭入4強。至於效力多蒙特，在球會球場作賽的舒洛達碧克難掩興奮：「我們帶著興奮與樂趣作賽，這是足球最美麗的時候。我期待在斯圖加特的（8強）比賽，我在球場5公里以外的地方成長。」
