【環球金融快線】日股今年有運行?

【Now財經台】近排日本電子龍頭企業有唔少消息,東芝獲私募基金CVC提出以約200億美元收購,另一間電子企業日立Hitachi亦計劃「賣仔」,將子公司日立金屬(Hitachi Metal)53%股權賣比美國投資基金。此外,據Morningstar數據顯示,今年將有大量資金湧入日股。 馬山資本董事總經理林子傑指,日本股市吸引到投資者注意有幾個原因,首先,日經平均指數舊年衝破1991年高位,資金睇中日股開始發力追落後,其次係Yen相對穩定,即使之前美金升,Yen都未見太大波動,再加上東京奧運終於搞得成,亦吸引資金投資日股。
財經地產