有網民在社交平台以「啲錢到底去咗邊？」發布影片，樓主遇到一名「幾跨張」的長車短搭長者。他表示：「當日是公布最新的財政預算案，當中最令人關注的，就係長者乘車優惠嘅問題。你有冇諗過，呢啲優惠實際上係幾誇張？」
他遇到的這名長者，在屯門山景邨搭巴士去屯門市中心，「根據Google Maps，呢段路程只係2公里」。樓主指，這名長者選擇搭乘過海隧巴961線，由山景去屯門市中心，單程車費竟然係$24，而大家幫佢支付咗其中嘅$10，因為長者是半價車資$12，扣除$2元特惠，政府補貼$10，呢個只係其中一個人嘅的車費......」樓主指出，其實該巴士站附近就有輕鐵站，「喺山景巴士總站200米內，就有個輕鐵站，而輕鐵只需$2.5（特惠車票）就可以無需轉車直達屯門市中心。」伯伯竟棄搭$2.5輕鐵，坐$24過海隧巴。
樓主憂慮財政預算案提出「兩蚊兩折」，是否能杜絶「長車短搭」：「即使即將有新做法，亦未必能解決長車短搭嘅問題。」樓主又重申發帖「完全冇批鬥成份，亦都冇任何偏見，亦冇提出要取消長者優惠，只係陳述緊社會上係有一班人用緊最貴嘅價錢搭最短程嘅車，同埋有個空間俾大家放低自己嘅睇法」。