【Now財經台】近幾年美股做好，主要係因為「科技7雄」(Magnificent 7)領跑，跑贏其他標普493隻成份股，美國聯儲局啟動減息周期，投資者應該押注「七雄」定係其他收息股？高息股可以反攻未？ 安泓投資總監兼香港大學房地產及建設系客席副教授楊書健指，「科技7雄」跑贏標普500指數，由2020年起計，至少升咗1倍，但標普其餘493隻成份股升幅並唔顯著。佢又話，美國科技股升跌好快，睇好美國科技股嘅投資者可以揀Invesco那斯達克100指數ETF(QQQ)，平均每年有約10%回報，係唔錯嘅選擇。「科技7雄」股價做好，係因為過去幾年嘅盈利跑贏其他板塊，但「科技7雄」嘅盈利增長開始放緩，同其他板塊嘅距離逐漸收窄，Victor估計，醫藥相關板塊盈利增長會喺第4季跑贏「科技7雄」。