【Now財經台】截至早上10時45分止，1小時內《彭博》搜尋量最多港股，依次為融創中國(01918)、世茂集團(00813)、中芯國際(00981)、中國人壽(02628)及旭輝控股集團(00884) 。 中芯股價9月中開始，跟隨大市自低位一直向上收復失地，今早(3日)見過近1年高位，但之後掉頭向下，一度挫約5%，幾日前市傳內地推動AI晶片本土化，又傳出中芯已突破美國禁令，有望實現7納米晶片技術，股價係咪可以企穩20元關口？椽盛資本投資總監曾永堅指，傳中芯突破美國禁令，可實現7納米晶片技術，至今都未獲官方確認，就算可以成功生產，但良率係咪可以達標，以至客戶係咪接受，都需要時間驗證，因此，單靠呢啲消息去炒作，股價唔會好扎實。佢又話，睇返中芯股價預測市盈率(PE)及基本因素，估值屬於偏貴水平，現時較大嘅支持位喺19.9元。