【Now財經台】美國將會喺今日(26日)及明日(27日)公布，國內生產總值(GDP)終值及核心個人消費開支(PCE)，最新預測係點？點評估美國經濟最新形勢？ 東亞銀行財富管理部首席投資策略師李振豪認為，若GDP終值係增長2.9%或3%，唔會影響聯儲局嘅決策，如果核心PCE升2.6%或2.7%，都係處於下行趨勢。此外，現時市場普遍預期聯儲局11月及12月，分別各減息0.25厘，同9月減息前嘅預測分別唔大。佢又認為，美股昨晚(25日)表現麻麻純粹係唞唞氣，如果睇返成交、芝加哥期權交易所波幅指數(VIX)及期權數據，雖然唔能夠同上半年相比，但其實升市動力仍然存在，其中，標普500指數目標繼續睇5900點。