• now.com 體育

    【十三短打】曼聯輸成咁排包尾……會有咩震盪?

    【Now Sports】或者唔好彈「咪一X樣」呢個老調啦,開季一敗再敗,30年嚟首次排英超榜尾,仲邊係一樣?低處未算低,大敗所帶嚟嘅震盪,應該好快睇見。撰文:球十三曼聯吞賓福特四蛋,睇見迪基亞接連甩轆、基斯坦奴朗拿度沒精打采、班球員一而再簡單橫傳都畀失,仲有倒戈嘅基斯甸艾歷臣近門射歪……講真,十三既非曼躉亦非仇曼,都為呢位曾經張牙舞爪嘅紅魔、橫掃英超嘅王者感到難過、難為情。本來,鋤強扶弱嘅「弱」,唔應該套用到曼聯,但睇到場波尾段,有少少想佢哋破蛋,點知做唔到,仲差啲輸多粒。一路睇一路諗,曼聯近年唔係未被大炒過,但開季對白禮頓、賓福特連敗,0分入得1球,完場一刻即時排英超榜尾,情何以堪?點算?算,高層一定會算,震盪難免。炒領隊?未咁快(等埋下仗鬥利物浦再講),但堅要變陣,有啲失信心嘅球員,好似「麥麥送」(哈利麥佳亞)已經淪為笑柄,冇晒信心,就算啲失波未必全部直接關佢事,都入埋佢數啦。最重要,係會方或者C朗肯定會短期內斬釘截鐵,唔敢再拖拖拉拉。如果C朗想走,今場大敗或者加快佢「跳船」,而如果因為冇人問津(年紀大薪酬高),係咪應該改變諗法或者作出一啲犧牲?簡單講,隊波冇咗定位,坦夏係咪要老奉

  • now.com 體育

    羅拔地標食白果 巴塞0:0華歷簡奴

    【Now Sports】巴塞隆拿出閘脫腳,兩名新加盟鋒將利雲度夫斯基、夏芬拿都交白卷,在周六西甲首輪主場僅悶和華歷簡奴0:0。巴塞隆拿「壓線」為多名新兵註冊,利雲度夫斯基(Robert Lewandowski)、夏芬拿、奧斯文丹比利組成鋒線,中堅基斯甸臣亦擔正,盛傳有機改投曼聯或車路士的法基迪莊僅列後備。華歷簡奴以卡美約掛帥。這支全新面貌的巴塞在開賽後便取得優勢,12分鐘,丹比利轉身妙傳,羅拔單刀chip射得手,但被指越位在先,慘食詐糊。丹比利非常活躍,先後起腳但都被迪米達利伊夫斯基撲出。華歷簡奴差點在補時2分鐘爆冷開紀錄,但艾華路加西亞接應長傳施射,被達史迪根救出,兩軍半場互無紀錄。巴塞在下半場的優勢更明顯。65分鐘,丹比利推大位再傳予法迪,後者施射被迪米達利伊夫斯基救出。4分鐘後,羅拔先後起腳都無功而還。88分,法迪接應基斯的傳送起腳,迪米達利伊夫斯基救出,基斯補射,被指越位在先。巴塞始終無法破關,更有巴斯基斯起踭打法卡奧領第二面黃牌離場。華歷簡奴人多打人少,差點立即士哥,但法卡奧執雞射入被指越位在先,兩軍以0:0悶和。

  • now.com 體育

    盧卡古返意即士哥 國米絕殺萊切2:1

    【Now Sports】盧卡古重返意甲立即建功,協助國際米蘭先開紀錄,於周六作客絕殺萊切2:1。國際米蘭以回歸穿上90號球衣的盧卡古(Romelu Lukaku)擔正,再與拿奧達路馬天尼斯組成雙箭頭,查漢洛路從後支援。萊切三叉戟為阿辛施斯、史達菲沙、迪法蘭斯高。經過在車路士的黑暗一季後,盧卡古重返藍黑兵團僅用了2分鐘便以入球證明重生,接應達美安的頭槌二傳,近門撞入,先開紀錄。國米一直控球在腳,但缺乏創造力,未能再士哥,半場領先萊切1:0。萊切易邊後3分鐘立即扳平,阿辛施斯啟動快攻分至左路,迪法蘭斯高殺入禁區傳中,阿辛施斯第一時間射入,追成1:1。61分鐘,比斯杜域主射罰球,漢丹洛域飛身救出,力保國米不失。藍黑兵團在先後換入鄧費斯、迪斯高,很快便有效果。70分鐘,迪馬高傳中,鄧費斯在遠柱頂中柱彈出。9分鐘後,迪斯高的頭槌被費干尼撲出,盧卡古補中,但球證指犯規在先。盧卡古之後的門前3碼近射又被擋。滿以為兩軍以1:1完場,但補時5分鐘,馬天尼斯頂頭槌,省中鄧費斯入網,國米以2:1絕殺萊切,奇蹟打響今季頭炮。