雅虎香港體育 - now.com 體育
肥安：古圖奧斯或趕及下輪鬥卡迪斯
【Now Sports】皇家馬德里教練安察洛堤指，一傷再傷的古圖奧斯已可復出，下周對卡迪斯時有望把關。安察洛堤（Carlo Ancelotti）周五出席主場對皇家蘇斯達的賽前記者會時，向傳媒透露了古圖奧斯（Thibaut Courtois）比想像中更快傷癒的喜訊：「我必須仔細考慮排陣組成，因為球隊傷疲情況嚴重，必須好好考慮細節。同時，古圖奧斯情況良好，我認為他可在下星期復出，有望下場西甲出戰卡迪斯。」古圖奧斯因左膝十字韌帶撕裂缺陣多月，至上月練習時又再受傷，經診斷後證實是右膝半月板撕裂，一般需要休戰6星期至3個月，原本外間認為他或不能趕及在季內復出，然而其康復速度卻遠較預期為快。除此之外，比寧咸和洛迪高於周四雙雙缺席操練惹起疑雲，外間關注他們能否在歐聯4強首回合鬥拜仁慕尼黑，安察洛堤談到兩人的最新情況：「比寧咸只是有腸胃問題，洛迪高則患了感冒，但他們仍可隨隊出發鬥皇蘇。費朗文迪不會一同前往，他其實沒有太大問題，只是我寧願他留在這裡備戰歐聯。」
體路輪椅劍擊｜港隊亞錦賽首日奪1銀2銅
【體路專訊】輪椅劍擊亞洲錦標賽2024於4月24日至28日在泰國呵叻舉行。港隊今次派出9名運動員出戰花劍及重劍個人賽，首日（24日）獲1銀 2銅 ，當中本周初剛於U17/U23世界錦標賽摘得1銀1銅的陳㬢，於亞錦賽贏得男子花劍個人賽 Cat B 銀牌。另外，余翠怡和湯雅婷亦分别在女子重劍個人賽 Cat A和Cat B級別中奪得銅牌。 港隊成績如下： 男子花劍個人賽 Cat B 陳㬢 -銀牌 女子重劍個人賽 Cat A 余翠怡 – 銅牌 女子重劍個人賽 Cat B 湯雅婷 -銅牌 資料來源：中國香港傷殘人士體育協會 此篇文章由「體路 Sportsroad」最初發表於「輪椅劍擊｜港隊亞錦賽首日奪1銀2銅」
- now.com 體育
【陳頌文隨筆】迪布尼curve波睇易行難
【Now Sports】講到踢波當然要講英超，我支持曼城，入場睇過好幾次，現場同喺電視睇當然唔同，氣氛震撼得多。撰文：陳頌文上個月入場睇曼城主場對般尼嘅英格蘭足總盃，見證賀蘭大演帽子戲法以6:0完勝。當曼城贏到3:0時，啲球迷企起身起勢跳，又有球迷keep住喺度唱啲chant，每當曼城一入波，球迷都會企起身拍手。作為一個球員，我比較專注睇球隊嘅組織，同埋球員之間嘅配合。我最欣賞嘅球員係迪布尼，最想喺佢身上學到嘅，係佢嘅傳波技巧同個vision。成日喺網上見到Kevin De Bruyne啲傳波片，佢curve到識轉彎咁。自己有時喺比賽或者練波時，都會試下佢嘅技巧，不過真係睇就易，做就難。除咗佢之外，我亦好欣賞霍頓，佢嘅first touch同半轉身都好出色。今季英超，前3隊嘅競爭仲好激烈，個人主觀當然想曼城贏；客觀睇嘅話，亦因為利物浦同阿仙奴近期都失分，所以曼城亦係最有機會衛冕。撰文：陳頌文曾效力曼城青年隊、史篤城預備組，今季由布力般流浪U21外借到夏利法斯（Halifax FC）本欄不定期上載相關文章：【陳頌文隨筆】訓練與比賽以外……https://sports.now.com/ho
