足球｜見面會安排混亂費高拂袖離場 皇馬球迷會疑受騙：已報警備案

【體路專訊】「Legend Assemble 傳奇球星表演賽系列—皇馬球星對巴塞傳奇」今晚8時於香港大球場舉行，一班名宿連日來都表現得十分親民，不過以費高為首的幾位球星，今早出席球星簽名會時卻懷疑不滿大會安排，提早「拍枱」離場，令不少已付出$6800的球迷未能索取簽名合照。皇家馬德里香港官方球迷會下午透過社交平台發出聲明，承認發生不愉快事件，並已報警備案，要求主辦單位正視。 有球迷向《體路》報料，指今早見面會安排混亂，懷疑因此觸怒球星，其後更拂袖而去：「今朝早酒店見面會，20幾個買咗6千幾蚊飛嘅皇馬球迷會會員，本身排隊尾，但主辦單位畀『自己人』入先，球迷入到場內，發現現場已有超過100人。」由於眾人沒有手帶識別，身份也無從稽考。 據透露，大會本來安排每兩位球星同坐一張枱，球迷可根據心儀對象輪流排隊，但因為容許「簽完又簽」，惹來幾位大牌球星不滿，最後導致拍枱走人。「最慘係排隊尾嗰班皇馬球迷，依家變咗『食哂』。真係好慘！畀咁多錢都係想簽名打卡啫！咁都唔得？」 皇家馬德里香港球迷會下午發出聲明表示報警備案，全文如下： 今晚就係香港皇馬巴塞傳奇賽嘅日子，而今早就係一眾皇迷十分期待嘅球員見面會(