• now.com 體育

    利記精心預備歡送高普

    【Now Sports】利物浦領隊高普周日將在主場告別，球會和球迷精心準備道別儀式。利物浦下周日英超煞科戰主場對狼隊，將是德國籍領隊高普（Jurgen Klopp）最後一次領軍，由於他9年來協助球隊贏得英超、歐聯等重要榮譽，深受紅軍球迷歡迎，球會和球迷自然悉心籌備道別儀式，感謝他所帶來的非凡成就。 開賽前，球迷將在看台砌出向高普致敬的圖案，而且是整個看台參與其中。賽後球場中央將變成舞台，邀請高普和勞苦功高的教練團隊上台，接受球迷和球員的歡呼；有別於當年離開多蒙特時僅以錄影致辭，這位德國大叔這次是現場發言。之後，球員會組成人牆通道，讓高普和眾助手走過，這是英國最傳統的致敬方式。高普還會收到一個相框做紀念，內裡放滿他在利物浦的光輝時刻。晏菲路球場向來以氣氛出名，當天，球迷當然更加喊破喉嚨，一起高歌《You'll Never Walk Alone》的會歌，歡送高普離場。

  • now.com 體育

    【陳頌文隨筆】單刀嗰刻其實好緊張

    【Now Sports】今個球季結束，我認為自己嘅表現還可接受，不過有啲地方可以再做好啲，而我會用「大起大落」總結今季。撰文：陳頌文同上季比較，我覺得進步嘅地方係開始適應身體對抗。雖然都係成日唔夠對手嚟，不過已經比上季好少少。 今季我取得1個入球1次助攻，都係代表AFC Fylde嘅時候。講到自己英甲第一個入球，除咗開心興奮之外，都諗唔到點形容。嗰場比賽對手係哈特斯菲，當時佢哋排名比AFC Fylde高一位，所以實力接近。教練臨場調我去踢前鋒，當時嘅情況係對手開出角球，俾我哋門將接實，而我係1 VS 1 對住對方中堅，見到自己有空位就舉手要波，keeper 都注意到就大腳斬前，個波落喺我同中堅嘅身前係五五波，我攞到個波推向前就單刀，嗰一刻其實好緊張、好驚。一來人哋高大過我，自己怕唔夠佢快，同埋呢下都算係黃金機會，又驚自己把握唔到，好彩最後都射入。入完波嗰下，其實自己都呆咗，即時諗嘅係，入到一球即係有機會再入多球！總結成季，我覺得自己需要改善嘅地方仍然係身體抵抗，其次係閱讀球賽能力。依家啲對手比我更有經驗，有時一諗到要做咩嗰下，對手已經埋到身，然後就失咗波。所以希望呢方面可以做得更好。如

  • now.com 體育

    麥佳亞建議越位至用VAR

    【Now Sports】曼聯中堅麥佳亞認為在判斷是否越位時，才應該使用VAR。英超將於下月投票決定是否廢除VAR，曼聯中堅麥佳亞（Harry Maguire）道出個人意見，他贊成下季大部份情況棄用VAR，僅在判斷是否越位時使用，尤其反對讓VAR左右12碼的判決：「應該讓球證判斷是否判12碼，而不是由VAR代勞。」麥佳亞繼續說：「我知道廢除與否看法不一，目前以支持取消較多。個人而言，我只會在越位爭議時使用VAR，其他的都該廢除。因為，越位是客觀事實，不存在主觀判決；人人都會犯錯，旁證也一樣，所以，我希望VAR能幫到他們。」此外，該英格蘭中路守將認為包括紅牌、12碼則不適合用VAR，他解釋：「即使在使用VAR的情況下，判決仍然未能服眾，懷疑VAR的判決是否正確。」