【EURO點睇】坊間大熱VS第二最愛

·2 分鐘文章

【Now Sports】英格蘭有主場之利又未失一球,當然多人捧,尤其係香港,但有球評家話丹麥今屆成為好多人心目中嘅「Second Team」,講聲勢一啲都唔輸蝕。你,又會捧邊隊?
撰文:球十三「英格蘭今次好大機會!」、「英格蘭今屆都唔贏,唔知要等多幾年!」類似說話,球迷幾乎講足半世,係嘅,英格蘭真係自1966世界盃同1996年歐國盃最強勢,不失一球入4強,唔少人認為情況似足1990年世界盃東道主意大利,又係去到呢個階段不失一球。係就麻煩,因為意大利當年到4強賽對阿根廷一失波,俾肯尼基亞頂破金身之後,互射12碼輸埋,怕且冇英格蘭球迷希望似意大利,似埋呢一步。

肯定嘅係,若然英格蘭過到丹麥呢關,決賽氣氛一定前所未有咁熾熱。啱啱晉級嘅意大利發揮好麻麻,三獅若入決賽,肯定會被睇好。

丹麥嘅神奇、童話能唔能夠延續落去?不如聽吓當年功臣,帥哥白賴仁勞特立點講(詳見另文)。據報話歐洲足協會長以個人名義邀請基斯甸艾歷臣決賽入場觀戰,識搞噱頭。計我話,如果丹麥入到決賽,使鬼你邀請,話唔定佢成個棟喺場邊,足似上屆基斯坦奴朗拿度喺場邊發功。一旦出現呢個有始有終嘅畫面,同樣震撼。

係咪手掌係肉,手背又係肉?

【歐國盃4強】英格蘭VS丹麥
Now TV 618台08/07 03:00直播
Now TV 616台4K直播
Now E 同步直播

撰文:球十三
足球迷叫第十二人,冇偏愛,冷眼旁觀係十三。
email:ballthirteen@hotmail.com
歡迎瀏覽球十三fb專頁,若得到波友一個like,就是我們團隊的一大鼓舞:
www.facebook.com/ballthirteen

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能