【韓國最美女演員】網民票選韓國最美女演員 宋慧喬孫藝珍秀智都唔及佢?

近年韓風盛行,唔少香港觀眾都鍾意追韓星同睇韓劇,而一班韓國女星仲係唔少女生嘅潮流指標。近日有國際投票網站喺網上搞咗個最漂亮韓國女演員嘅投票,唔少網民都已經紛紛投票,當中大家喜愛嘅宋慧喬及IU都榜上有名,而家就同大家睇下暫時頭10位嘅走勢啦!

第10位:崔智友(44歲)

元祖韓劇女神崔智友前年與細9年嘅男友崔志宇結婚。早前佢驚喜客串《愛的迫降》,仲重現《天國的階梯》經典橋段,唔少觀眾都俾佢嘅神顏值驚艷到。

崔智友
崔智友

第9位:韓孝周(33歲)

韓孝周擁有治癒系嘅微笑,所以被稱為「微笑天使」。平日參與嘅電視劇及電影,無論係古代及現代背景都輕易駕馭,佢嘅代表作分別有《燦爛的遺產》、《同伊》及《解語花》等等。

韓孝周
韓孝周

第8位:宋慧喬(38歲)

「喬妹」宋慧喬出道至今都受人關注,只要佢有份演出嘅電影及劇集都會人氣爆燈,好似《順風婦產科》、《藍色生死戀》及《浪漫滿屋》等,近幾年最為人熟悉一定非《太陽的後裔》及《男朋友》莫屬。而且佢多年嚟保持住年青貌美,唔怪之得曾經被韓國網民選為童顏女神第一位啦!

宋慧喬
宋慧喬

第7位:秀智(25歲)

「國民初戀」秀智係前韓國女子組合Miss A成員,憑住清純甜美嘅外表及氣質,令佢深受唔少人追捧。能歌善舞嘅佢,近年轉向影視發展,演技亦越嚟越有進步。

秀智
秀智

第6位:朴敏英(34歲)

曾經大方承認整容嘅朴敏英,剛出道就已經憑《不可阻擋的High Kick》嘅姜友美獲得大家關注,近年佢亦有多套大熱作品,令佢人氣急升,例如《金秘書為何這樣》、《她的私生活》及《天氣好的話,我會去找你》等等,唔少觀眾都俾佢嘅逆齡美貌同魅力吸引到。

朴敏英
朴敏英

第5位:金所炫 (20歲)

童星出身嘅金所炫,擁有可愛甜美樣子,係投票結果中最年輕一位。近年已經係電視界嘅當紅花旦,佢主演嘅《Who Are You-學校2015》、《君主-假面的主人》、《綠豆傳》、《廣播羅曼史》及《喜歡的話請響鈴》都大受歡迎,唔少網民仲話由細睇到佢大。

金所炫
金所炫

第4位:朴信惠 (30歲)

當時只有13歲嘅朴信惠喺2003年嘅《天國的階梯》飾演崔智友嘅童年,多年嚟代表作包括《愛上Pinocchio》《Doctors》、《繼承者們》及《阿爾罕布拉宮的回憶》等等,係公認演技同美貌兼備嘅女星。

朴信惠
朴信惠

第3位:孫藝珍(38歲)

大熱韓劇《愛的迫降》帶挈主角孫藝珍人氣急升,仲被好多網民都稱為係心目中永遠嘅「漂亮姐姐」。就算已經38歲,但個樣一樣非常甜美可愛,而佢嘅人氣亦令佢「韓國當家花旦」地位穩固。

孫藝珍
孫藝珍

第2位:金賢珠 (42歲)

金賢珠喺1996年出道,至今參與唔少劇集拍攝,以飾演配角為主,但都非常耀眼。因為演出經驗及實力令佢於韓國成功登上一姐地方,開始成為花旦。而佢於劇集《監視者》及《我們遇見的奇蹟》都獲得唔少認同及肯定。

金賢珠
金賢珠

第1位:李知恩 IU (26歲)

有「國民妹妹」稱號嘅IU係韓國創作歌手出身,唱功了得嘅IU,都有參與唔同嘅劇集拍攝,當中包括《我的大叔》及《德魯納酒店》等等。樣子甜美可愛嘅佢,更曾經被喻為「零負評的女星」,喺今次投票暫時第一位嘅佢,唔少人認為係實至名歸。

IU
IU