陸永老婆Reina活躍於社交網，日前佢罕有晒出三母女最新合照，兩女亭亭玉立引起網民熱議。近日Reina又再分享家中新成員西摩犬嘅片段，間接令家中大廳曝光。片中見狗狗於大廳玩耍，雖然狗狗身形足足有半個人咁高，但客廳闊落，隨處跑動都完全冇問題。有指陸永一家住喺新界複式大屋，見屋內裝修簡約，客廳位置放有電視櫃及鋼琴，並有落地大玻璃，空間感十足，Reina更透露曾於大廳中間放置跳彈床，畀囡囡邊跳邊睇電視，可見客廳夠晒巨型。