內地真人騷《乘風2023》現正熱播，最新一集進行首次舞台公演，其中大熱之一嘅台灣女星陳嘉樺（Ella）翻唱越南神曲，勇奪冠軍，成為焦點所在。而另一大亮點，就係演員出身初嘗跳唱嘅蔡少芬，佢不但要苦練舞蹈，更要克服招牌「港普」，苦練普通話歌詞，練習期間更一度崩潰爆喊，直呼：「好辛苦呀！生仔都冇咁辛苦！」但下一次秒又即刻收拾心情補妝，場面搞笑。最後佢都不負眾望，演出《以愛為因》時發揮超水準表現，歌詞、舞步全部準確，加上自帶女王霸氣，驚艷全場！