【鏟草男女】國際足協將出法定產假

·1 分鐘文章

【Now Sports】國際足協FIFA週四宣布,將引入新法規去保護女性球員權利,包括強制性產假。呢項改革係由國際足聯嘅足球利益相關者委員會(Football Stakeholders Committee)提出,並會喺下個月提交俾國際足協理事會批准。

歐洲好多球員已經喺佢地所在嘅國家或者地區受到勞動法的保護,但FIFA表示,鑑於全球新球會同聯賽嘅迅速發展,佢目標係為全世界嘅女性球員創造“全球最低標準”。例如美國其實係無法定產假呢個概念。 擬議規則包括強制產假14週,休假不得少於球員合同規定薪酬嘅三分之二,並保證 “任何女球員都不能因懷孕而被處於不利位置”。 計劃中嘅條例仲規定,球員於產假後重返工作崗位,球會必須“重新融入該女球員並提供足夠醫療支持”。 女足總主任Sarai Bareman指: “我哋希望見到更多婦女能夠以踢足球謀生,同時又能夠有家庭生活及成為一個母親。重要嘅係,我哋必須提供必要嘅監管框架黎保護女球員。” 早前香港亦通過14週法定產假,而FIFA呢次嘅舉動希望亦可以通利推行。

更多now.com體育新聞及英超、西甲精華,請按此