【賭波小貼士】周日重心:皇馬巴塞入得又失得 西甲國家打吡揀「大」

·2 分鐘文章
【賭波小貼士】周日重心:皇馬巴塞入得又失得 西甲國家打吡揀「大」

周日重心

星期日47巴塞隆拿對皇家馬德里[2.5]入球大1.54

星期日西甲上演國家打吡,開波時間仲係好啱球迷嘅晚上10點15分,梗係要捧吓場啦。雖然今季嘅國家打吡星味唔及以前,但實力算係幾平均,巴塞隆拿同皇家馬德里近期入得又失得,呢場買「大」等睇好波。

星期日嘅西甲國家打吡係「後美斯時代」嘅第一次,星味或者真係唔及以前,但巴塞隆拿對皇家馬德里都一向叫好叫座,相信大戰嘅氣氛都會相當濃厚。今年嘅打吡都算係實力幾平均,邊隊贏波真係好難講,呢場筆者就鍾意入球「大」多少少。

開季麻麻地嘅巴塞近期算係回勇,佢哋近期由迪比搭盧克迪莊呢場荷蘭前線組合叫做交到貨,而沙真奴迪斯近期改打翼鋒都算係奇兵,球隊嘅進攻慢慢磨合到。不過盛傳中場柏迪同左閘佐迪艾巴都有傷,呢場巴塞嘅防守未必太穩陣。

至於皇馬啱啱係歐聯大勝薩克達5:0,其中賓施馬同雲尼斯奧斯都有相當唔錯嘅演出。不過大家唔好唔記得今季皇馬都係水準飄忽,佢哋之前都試過喺歐聯輸俾舒列夫同西甲作客輸俾愛斯賓奴,同樣防守唔太穩陣。所以今場搏兩隊都有波入之下,整場入球「大」當睇好波!

周日過關

星期日47 巴塞隆拿對皇家馬德里 [2.5]入球大1.54

星期日57 曼聯對利物浦 [2.5]入球大1.54

星期日72 馬賽對巴黎聖日耳門 半場主客和客勝1.82倍

3串1全中約4.32倍

另一場宿敵大戰,曼聯主場對利物浦呢場又係捧「大」就正路,淨係曼聯後防唔掂加上沙拿腳風超順呢兩個因素已經夠做。至於尾場就揀近期開始上力嘅PSG半場就搞掂馬賽。論整體實力,前場有美斯、麥巴比、尼馬嘅PSG自然勝人一籌,進攻火力超強。再者,兩軍對上5次交手,PSG有4次都在上半場已經取得領先優勢,證明他們擅於先發制人,半W值得捧場。

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能