【賭波小貼士】周日重心: 白禮頓主場唔使讓揀「主勝」

·2 分鐘文章
【賭波小貼士】周日重心: 白禮頓主場唔使讓揀「主勝」

周日重心

星期日18 白禮頓對李斯特城讓球[0]主勝1.90倍

今晚重心繼續係球迷熟悉嘅英超賽事,筆者就非常鍾意白禮頓主場對李斯特城嘅平手盤,後者星期四先喺歐霸盃對完拿玻里,體能方面會好大影響,呢場平手盤真係擺明要揀主隊。

對於今季兩軍狀態嚟講,加上李斯特城啱啱要打歐霸盃,理應呢場唔止平手盤,甚至要白禮頓讓都絕對唔意外。筆者唯一解釋係莊家仍然係有少少睇唔起白禮頓,咁開平手盤唯有照執啦。有睇開預期入球(xG)同預期失球(xGA)數據嘅朋友都應該略知一二,白禮頓自上季季尾以來都係長期預期失球都比較少嘅球隊,今季終於打出期望值,開季4戰3勝絕對唔係符碌。

睇返目前走勢,白禮頓喺大部份莊家初盤嘅平手高水被買到落中水,足智彩仲有大約1.90倍分頭其實都唔錯。

周日過關

星期日5東京綠茵對新潟天鵝[2.5/3]入球大1.95倍

星期日18 白禮頓對李斯特城讓球[0]主勝1.90倍

星期日37 熱刺對車路士入球細[2/2.5]1.93倍

全中約7.15倍

周日過關繼續試下分散時間度一條3串1,頭場筆者幾鍾意日乙嘅一場入球大。東京綠茵季初作客新潟天鵝輸過0:7,今場返主場無論如何應該點都想報仇,以兩軍近期入球失球都多嚟計,呢場推薦入球大。尾關筆者點都捧下倫敦打吡場,熱刺對車路士近年對賽入波真係好少,近6次交手得1次開到2.5球大。大家都知道熱刺領隊紐奴係守得之人,季初對住曼城都冇失守,今場唔理勝負熱捧[2/2.5]入球細。

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能