【賭波小貼士】周日重心:「利曼」大戰一向多波入

·2 分鐘文章
【賭波小貼士】周日重心:「利曼」大戰一向多波入

周日重心

星期日46 利物浦對曼城[2.5/3]入球大1.85倍

今個星期日又嚟一場英超重頭大戰,今次係利物浦主場對曼城。同上星期車仔對曼城唔同,利物浦同曼城呢個對賽組合一向旺入球,加上紅軍嘅沙拿狀態大勇,呢場唔使理勝負直接揀入球大就得。

英超嘅大戰唔少都踢得幾保守,好似上星期車仔主場對曼城都諗住以守為先,結果都係一球完場。不過利物浦對曼城呢個組合又唔同,呢個紅藍大戰組合一向多入球,雙方近14次喺晏菲路球場交手就有11次係2.5球大。

事實上紅軍嘅沙拿近期真係腳風順,週中對波圖梅開二度,而費明奴同文尼都有進帳。另一邊廂曼城一向係大戰都係主攻嘅一方,今場我睇兩支球隊都會打得幾開放,邊隊贏就好難講,但相信入球大應該可以輕鬆開出。

周日過關

星期日1 德島漩渦對鳥棲砂岩[8.5]角球細1.75倍

星期日22 艾爾切對切爾達[8.5]角球細1.62倍

星期日46 利物浦對曼城[2.5/3]入球大1.85倍

3串1全中約5.24倍

星期日3串1過關除咗搵英超大戰嘅入球大做膽之外,筆者其餘兩關都向角球細埋手。日職中午場德島漩渦主場對鳥棲砂岩呢個對賽都唔算太有睇頭,但對於爭緊上岸嘅主隊嚟講就好緊要,佢哋護級搶分不容再失,呢場預計都會謹慎行軍,熱捧8.5球嘅角球細。另一個今季暫時都幾旺角球細嘅聯賽就係西甲,有睇過嘅球迷都知西甲賽事節奏超慢同停頓好多,所以角球都唔慌會多,筆者就覺得艾爾切個場角細最似樣。

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能