【賭波小貼士】周六穩膽:車路士主力前鋒受傷 主場「細細地」贏

【賭波小貼士】周六穩膽:車路士主力前鋒受傷 主場「細細地」贏 (Chelsea FC via Getty Images)

周六重心

星期六 車路士對諾域治[3.5]入球細1.45倍

今個星期六英超早場上演強弱懸殊嘅戲碼,由榜首嘅車路士對榜尾嘅諾域治。雖然呢場牌面係車仔佔優,但佢哋有盧卡古同添姆華拿兩個前鋒受傷嘅情況下睇怕難大炒,今場轉敲入球3.5「細」比較穩陣。

星期六嘅英超早場有車路士登場,主場迎戰榜尾嘅諾域治。論到雙方嘅實力分野就唔使多講,而家車仔仲係排緊榜首,相信呢場贏波嘅問題唔大。不過車仔喺週中嘅歐聯損兵折將,兩大前鋒盧卡古同添姆華拿都受傷,今場前線要作出相應調整,或者要由夏維斯擔任偽9號,未必可以好輕鬆大勝。

至於諾域治嘅成績仲係低迷,但近期總算係對般尼同白禮頓都頂住冇失波,但球隊嘅進攻仲係太差,今季8場英超都淨係入到2球,睇怕都好難攻入車仔大門。

車仔啱啱星期三先踢完歐聯,而家又要打英超星期六嘅早場,休息時間係各支歐洲賽球隊入面最少。所以今場對諾域治都係就住贏,一球起兩球止之下上下盤冇咩心水,但3.5入球「細」應該係好穩陣。

周六過關

星期六9磐田山葉對FC愛媛半場主客和主勝1.73倍

星期六12車路士對諾域治[3.5]入球細1.45倍

星期六85博洛尼亞對AC米蘭[0/+0.5]讓球主勝2.06倍

3串1全中約5.16倍

全日過關3串1早場今次推介日乙場次,榜首嘅磐田山葉會主場鬥FC愛媛。山葉最近全力發維爭升班,上場主場就大炒北九州向日葵4比1,今場面對下游嘅愛媛有能力半場贏波,可以要半主。尾關揀返一場意甲夜場,AC米蘭啱啱先喺歐聯作客輸俾波圖,去到星期六又要作客今季主場不敗嘅博洛尼亞,後者有受讓要返下盤。