【賭波小貼士】周六穩膽:曼聯入得又失得 「愛」大諗得過

·2 分鐘文章
【賭波小貼士】周六穩膽:曼聯入得又失得 「愛」大諗得過

周六重心

星期六15 曼聯對愛華頓[2.5/3]入球大1.88倍

星期六英超早場繼續係曼聯出擊,喺主場面對愛華頓。紅魔鬼上場英超爆冷咁輸咗俾阿士東維拉,筆者預期佢哋今場點都唔會再失威,不過球隊後防仲係麻麻哋,搏佢哋入得又失得開入球大做穩膽。

曼聯上場英超主場以0:1輸咗俾維拉,都算係幾意外嘅輸波,但週中歐聯總算2:1險勝維拉利爾止一止跌。紅魔鬼明顯係仲未搵到進攻嘅form,但勝在個別球員質素搭救,始終有C朗坐鎮嘅前鋒線都唔敢睇少,呢場幾睇好佢哋可以喺防守唔係咁叻嘅愛華頓身上拎到唔少入球。

不過又咁講,曼聯嘅防守本身都唔好得去邊,佢哋頭6場英超只得1場冇失波,而家仲傷埋主力中堅麥佳亞,所以筆者都幾睇好愛華頓有波入。既然睇好曼聯失波,呢場要入球大就穩陣過上盤啦。

周六過關

星期六10 川崎前鋒對FC東京[2.5/3]入球大1.82倍

星期六15 曼聯對愛華頓[2.5/3]入球大1.88倍

星期六94 馬德里體育會對巴塞隆拿主勝1.75倍

3串1全中約5.98倍

又嚟玩全日過關嘅時候,今日呢條3串1賠率可能比較偏熱,但都係一啲幾穩陣嘅選擇嚟。頭關要咗川崎前鋒嘅入球大,佢哋已經喺日職連場4場贏波同開大,嚟到爭冠嘅最後階段一定唔留手,繼續追大波。至於尾關嘅西甲大戰,巴塞有幾頹大家都知,喺歐聯都輸俾賓菲加3球,呢場無疑係馬體會贏波嘅最佳時機。

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能