【賭波小貼士】周日重心:「利拜」鬥攻 「半大」抵搏

【賭波小貼士】周日重心:「利拜」鬥攻 「半大」抵搏 (DeFodi Images via Getty Images)

周日重心

星期日36 利華古遜對拜仁慕尼黑 [1.5]半場入球大1.82

星期日英超戲碼稍為弱啲,不過德甲方面就上演榜首大戰,由利華古遜主場迎戰拜仁慕尼黑。今季兩邊前線都著哂火,睇怕會係一場入球騷,筆者就認為半場入球大仲有投注價值,搏佢哋半場入兩球或以上!

星期日德甲榜首大戰都幾令人期待,利華古遜同拜仁慕尼黑今季同樣暫時5勝1和1負得16分,仲係聯賽頭兩隊入波最多嘅球隊,睇嚟入球騷勢必上演。拜仁啱啱上輪以1:2輸咗俾法蘭克福,證明球隊都唔係無敵,失波嘅機會都唔細。不過球隊有利雲度夫斯基呢個入球保證坐鎮,而利華古遜都有今季已經入咗6球嘅舒希克,兩邊嘅火力都唔使懷疑。

呢場波應該會有唔少入球,問題其實係應該點投注埋手。呢場入球大細開到3.5球,但水位都係1.75倍稍熱,筆者就建議倒不如向半場1.5嘅入球大埋手,有1.82倍嘅分頭,以呢兩隊嚟講半場前各入1球開大唔難。再講,雙方近8次交手有7次半場都至少出現兩球,呢場買半場大好過!

周日過關

星期日36利華古遜對拜仁慕尼黑[1.5]半場入球大1.82倍

星期日45白蘭恩對史達比克半場主勝1.90倍

星期日61祖雲達斯對羅馬[2.5]入球大1.62倍

3串1全中約5.6倍

配腳方面,筆者睇好挪超近期一支搶分頻頻嘅球隊,佢哋就係要搏命護級嘅白蘭恩。白蘭恩近5場3勝2和,仲有3次半場領先對手,今場對同樣護級嘅史達比克搏佢哋早段領先開半場主勝。而另一場,就揀意甲大戰祖記鬥羅馬「開大」。兩隊近5次交手有4次總入球達3球或以上,加上兩軍近況都唔錯,預計會係一場入球騷。