【賭波小貼士】周六穩膽：英格蘭睇住嚟食唔會多波入

周六重心

星期六：安道爾對英格蘭[4/4.5]入球細1.80倍

今個星期係國際賽週，國家隊嘅賽事一向難捉路，筆者建議都係少少哋玩吓就算啦。其中英格蘭作客對「魚腩」安道爾都係睇定嚟食嘅格局，呢場筆者就覺得佢哋贏起上嚟都未必入波太多，可以試吓[4/4.5]入球「細」。

筆者對國際賽週一向冇咩好感，國家隊嘅對賽相對冇咁吸引，印象中都係下盤同入球「細」偏多，所以都係小注怡情就算啦。講起入球「細」筆者就幾鍾意英格蘭個場，佢哋星期六會作客對弱旅安道爾，贏波全取3分就基本，爭在係佢哋可以入到幾多球。假設安道爾入唔到波嚟計，英格蘭要開[4/4.5]入球「大」即係要佢哋單邊大炒5球，但筆者就唔係咁睇好啦，始終佢哋嘅主力射手哈利簡尼狀態超差，呢場睇嚟英格蘭都係玩下輪換，要炒都唔係咁簡單。

事實上英格蘭而家喺世盃外歐洲區I組嘅首名出線都好穩陣，都唔使點樣大炒對手，留力下場對匈牙利可能更實際。「三獅軍團」之前主場對過聖馬力諾都只係贏5:0，今場個「細」應該頂得住。

周六過關

星期六30芬蘭對烏克蘭[0/+0.5]讓球主勝1.86倍

星期六44安道爾對英格蘭[4/4.5]入球細1.80倍

星期六45瑞士對北愛爾蘭[2.5]入球細1.78倍

3串1全中約5.96倍

筆者就幾鍾意芬蘭呢隊波，呢支北歐球隊近年進步都相當明顯，之前踢過歐國盃都完全唔失禮。今次佢哋主場鬥烏克蘭有受讓，下盤可以捧場。另一場就揀今場有隊長格列沙加缺陣嘅瑞士「細」。瑞士對住死守球隊一向都唔知點入手，加上往績對北愛都係1-2球上落，所以揀「細」應該有計。