【視后之爭】近乎無對手 天時地利造就高海寧穩奪視后?

《C9特工》
《C9特工》

年尾又係視帝視后之爭,今年一支獨秀嘅女藝員非高海寧莫屬。咁高Ling會唔會係視后大熱?照呢幾點睇,好有機會!

4套劇駁住播

l
《殺手》
《迷網》
《迷網》
《反黑路人甲》
《反黑路人甲》
《C9特工》
《C9特工》

一連有4套主演劇喺黃金時段出街,由《殺手》做到《C9特工》,觀眾由6月尾開始對住高Ling對足4個月,谷人氣仲谷起個勢,谷唔起咩?都起碼製造到個話題。

《C9特工》造就視后時機

《C9特工》
《C9特工》

有消息話,原本接住《反黑路人甲》嘅檔期係《唐人街》,《唐》嘅班底曾經拍過口碑收視都唔錯嘅《城寨英雄》,相反有傳高層睇完《C9特工》之後嫌質素未夠班所以「雪」咗一排。突然將高Ling孭飛又要打又要演性格兩極嘅《C9特工》,鋪定條好路做視后嘅意圖幾明顯。

冇對手

《反黑路人甲》
《反黑路人甲》

今年咁多套劇,真正表現突出嘅女主角唔算多,高Ling以外稍為多人讚嘅可能係《反黑路人甲》一眾女角,但係戲份攤薄晒,似係女配角多過視后;《殺手》都有同樣情況,龔嘉欣、江美儀、麥明詩搶眼但未去到女主角級數。《那些我愛過的人》入面黃翠如有進步,可惜翠如觀眾緣平平;有兩套劇喺手嘅黃智雯,即使以稍為優勝嘅《降魔的2.0》演出計,亦未去到突圍而出嘅勢頭。咁,又真係得返高Ling咋喎。

台慶劇 男人戲

《使徒行者3》
《使徒行者3》
《使徒行者3》
《使徒行者3》

仲有2套未播又有份爭獎嘅重頭劇,睇返卡士︰《使徒行者3》主線落喺林峯、苗僑偉同新加入嘅馬國明身上;《踩過界2》應該又係王浩信+張振朗帶起,當然喺《踩過界》令人耳目一新嘅蔡思貝,上次演「癲姐」拎埋「我最喜愛女角色」,今集可望挑戰視后,但係排資論輩,仲算新喎。

《踩過界2》女主角有蔡思貝加張曦雯
《踩過界2》女主角有蔡思貝加張曦雯

有埋內地市場

大熱內地劇《三十而已》以都市女性生活寫照觸動觀眾,高Ling飾演花心男嘅多年女友,其中一幕走去飾演情敵嘅女主角江疏影鋪頭,踩場講數再加掌摑對方,令觀眾留下深刻印象,微博粉絲數高達一百三十幾萬。如果有個「視后」獎項加持,對高Ling打入內地市場絕對有幫助,高層一定知點做嘅!