【睇通英超】Big Brother is watching you

now.com 體育

【Now Sports-體育】被球員改咗“Big Brother”花名嘅普捷天奴,正面對執教熱刺以嚟嘅一大危機。 撰文:球十三

小說《1984》名句“Big Brother Is Watching You?",普捷天奴(Mauricio Pochettino)俾球員叫“Big Brother”,係因為佢好鍾意透過CCTV睇球員操練,某程度係同球員多咗份疏離咁。你睇住人,人亦睇住你,熱刺今季戰績相當麻麻,尤其係剛啱喺歐聯被拜仁慕尼黑大炒7:2,話冇跌入信心危機就假嘅,甚至有傳普帥嘅帥位,開始唔穩。 唔少球迷覺得熱刺喺去屆歐聯決賽失意後開始冇運行,查實熱刺自4強反勝阿積士後到依家,已經冇幾多場好波。數遠啲,原來熱刺係2019年至今英超隊輸波場數最多球隊之一,輸過16場。再睇中場主將阿里連英格蘭代表隊點兵都冇份,就知隊波真係沉。假如熱刺喺國際賽期前再失分,前6位置失守,一路沉落去都唔奇。 有句話,叫無巧不成話。上面講到2019年輸波最多英超隊,另一隊輸16場嘅正好係熱刺今日對手白禮頓。白禮頓開咧大炒屈福特有一個好開始,但原來曇花一現,之後聯賽未贏過,對曼城同車路士都捧蛋。所以話熱刺同白禮頓頹鬥頹,若然牌面秤高嘅熱刺呢場都唔反底,就真係難交代。 撰文:球十三 足球迷叫第十二人,冇偏愛,冷眼旁觀係十三。 email:ballthirteen@hotmail.com 歡迎瀏覽球十三fb專頁,若得到波友一個like,就是我們團隊的一大鼓舞: www.facebook.com/ballthirteen 今輪賽序 白禮頓VS熱刺 Now TV 621台05/10 19:30直播 Now TV 611台4K直播 Now E 同步直播 利物浦VS李斯特城 Now TV 621台05/10 22:00直播 Now E 同步直播 般尼VS愛華頓 Now TV 622台05/10 22:00直播 Now E 同步直播 諾域治VS阿士東維拉 Now TV 623台05/10 22:00直播 Now E 同步直播 屈福特VS錫菲聯 Now TV 624台05/10 22:00直播 Now E 同步直播 韋斯咸VS水晶宮 Now TV 621台06/10 00:30直播 Now E 同步直播 曼城VS狼隊 Now TV 621台06/10 21:00直播 Now E 同步直播 阿仙奴VS般尼茅夫 Now TV 622台06/10 21:00直播 Now E 同步直播 修咸頓VS車路士 Now TV 623台06/10 21:00直播 Now E 同步直播 紐卡素VS曼聯 Now TV 621台06/10 23:30直播 Now TV 611台4K直播 Now E 同步直播

更多now.com體育新聞及英超、西甲精華,請按此

你可能還想看