【睇通英超】錫菲聯hat-trick將帥猛料

now.com 體育

【Now Sports-體育】開咧至今,錫菲聯可以話係最對辦升班馬,今日會唔會係呢支老牌球隊,中斷利物浦嘅長勝路? 撰文:球十三

有一定波齡嘅,好難對錫菲聯呢隊波冇感覺,十三好記得睇過唔少同足球有關嘅電影。《When Saturday Comes》(型男Sean Bean主演)嘅勵志感人故事,就喺錫菲聯隊內發生;搞鬼嘅仲有《The Full Monty》(光豬六壯士),睇住主角著住件錫菲聯波衫就惹人發笑。 講番波嘞,隊波上世紀曾經好威風,近代就唔多爭氣,不過今季有兩個食完「大三元」嘅人好值得去講,一個係領隊韋達,佢係2015/16年英乙最佳、2016/17年英甲最佳、2018/19年英冠兼全英最佳領隊,怕且係全英跨級別攞獎最多嘅人,有一定江湖地位。高普賽前話欣賞佢,應該唔係客套話。 另一個係28歲就宣佈退出北愛爾蘭代表隊,專心球會事業嘅中場羅活(Oliver Norwood),佢係升班福星,2016/17幫白禮頓升班、2017/18幫富咸升班,去季就幫錫菲聯鎖定升班資格,真係邊隊想升班,撬走羅活啦!呢位仁兄仲係車路士嘅佐真奴以外,英超傳球上所謂「final third」次數最多嘅球員,絕對係關鍵人物。 撰文:球十三 足球迷叫第十二人,冇偏愛,冷眼旁觀係十三。 email:ballthirteen@hotmail.com 歡迎瀏覽球十三fb專頁,若得到波友一個like,就是我們團隊的一大鼓舞: www.facebook.com/ballthirteen 今輪賽序 錫菲聯VS利物浦 Now TV 621台28/09 19:30直播 Now TV 611台4K直播 Now E 同步直播 熱刺VS修咸頓 Now TV 621台28/09 22:00直播 Now E 同步直播 車路士VS白禮頓 Now TV 622台28/09 22:00直播 Now E 同步直播 狼隊VS屈福特 Now TV 623台28/09 22:00直播 Now E 同步直播 阿士東維拉VS般尼 Now TV 624台28/09 22:00直播 Now E 同步直播 般尼茅夫VS韋斯咸 Now TV 625台28/09 22:00直播 Now E 同步直播 水晶宮VS諾域治 Now TV 626台28/09 22:00直播 Now E 同步直播 愛華頓VS曼城 Now TV 621台29/09 00:30直播 Now E 同步直播 李斯特城VS紐卡素 Now TV 621台29/09 23:30直播 Now E 同步直播 曼聯VS阿仙奴 Now TV 621台01/10 03:00直播 Now TV 611台4K直播 Now E 同步直播

更多now.com體育新聞及英超、西甲精華,請按此

你可能還想看