盧均宜夥體壇美女馬詠茹文毅施講波

·2 分鐘文章

【Now Sports】歐洲國家盃2020將於6月12日開鑼,Now TV今日(周四)舉行歐國盃頻道Now Sports 618台及錄影廠啓動禮,Now TV邀請多名星級嘉賓,當中包括前香港足球先生盧均宜、前港隊單車運動員馬詠茹,以及現役港隊女子青年劍擊運動員文毅施,各人將擔任《歐國盃第三聲道》嘉賓主持。歐國盃頻道Now Sports 618台經正式啓動,除了原有英語旁述,及Now SPORTS評述員團隊擔任評述工作外,今次賽事特別加設《歐國盃第三聲道》,由強尼配搭男子組合ERROR,加上「電競三子」老星、Martin、William(返工狗),網絡紅人啱Channel的Ah Gi、Jackie、試當真的阿慈及小薯茄的人富和阿J參與旁述。

Now SPORTS副總裁陳兆祺表示,「我哋會喺22個比賽日,每一晚都挑選一場焦點賽事,為大家製作一個娛樂及資訊並重嘅不一樣第三聲道評述。觀眾到時只需要喺616同618台選擇第三聲道,就可以聽到佢哋與別不同嘅評述。630台同Now Sports Facebook專頁,就會直播佢哋喺賽前賽後同評述時嘅咪後情況。」

談到擔任第三聲道嘉賓主持,盧均宜表示是一大挑戰,「第三聲道就未試過,因為都幾得意,同埋可以同電競選手或者KOL玩下,如果足球方面嚟講呢個都好特別。(有冇緊張)都有,你睇佢哋啲口才,全部都好有活力,都有啲驚,我都阿謙(謝德謙)都震震地,不過足球嚟講我哋熟悉啲。」被問到覺得哪隊會捧走歐國盃獎盃,均宜就睇好法國及比利時,「比利時亦都係熱門之一,盧卡古佢哋幾個近幾年愈打愈好,但始終都未有獎盃緣,我覺得今年都係時候捧盃。」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能