歐陽巧瑩擬從政推大麻合法化被李梓敬指責 網上反擊:做多啲功課先啦

·1 分鐘文章
歐陽巧瑩
歐陽巧瑩

歐陽巧瑩2013年參選港姐並獲得「友誼小姐」,前年同林師傑結婚後慢慢淡出幕前,早前同無綫合約亦都完結。而家開咗製作公司,同個人影片頻道,實行做自己鍾意做嘅事。前幾日歐陽巧瑩喺IG透露自己唔想再做幕前,更表明立場有意4年後參選區議員及爭取香港推行大麻合法化。

每樣嘢都會有人支持亦有人反對,前自由黨黨員李梓敬就唔係咁認同啦,佢認為歐陽巧瑩推動大麻合法化嘅言論係博出位,又話對方喺世界無胸罩日上載無著胸圍嘅相,宣洩女權主義都好無聊,睇唔到唔戴胸圍同女權有咩關係。

李梓敬影片截圖
李梓敬影片截圖

歐陽巧瑩當然不甘示弱,今日就喺IG上載咗李梓敬影片嘅截圖,並反擊話李梓敬歪曲事實,篡改佢嘅發言。又話私下討論佢無任歡迎,但公開評論就要有道德操守,唔好亂做文章,仲話無論女權定大麻合法化,李梓敬都未有資格評論。最後仲叫佢做多啲功課先。

歐陽巧瑩
歐陽巧瑩
林師傑 & 歐陽巧瑩
林師傑 & 歐陽巧瑩