林夏薇爆胡定欣「廁所癖」

胡定欣與林夏薇走入廁所都影餐飽。
胡定欣與林夏薇走入廁所都影餐飽。

視后林夏薇與胡定欣早前同期有劇集推出,故相約飯局煲劇互撐對方。林夏薇並提早為本月9日踏入42歲的胡定欣慶祝生日,網晒多張合照。

2人齊齊穿上間條衫,襯晒「姊妹裝」示人,並頭貼頭留影,關係非常好。她們除了吃蛋糕時狂影相,更玩到連入廁所都要合照,林夏薇踢爆:「好鍾意喺廁所影相嘅胡小姐,都係因為靚!」胡定欣亦承認:「儲埋一堆廁所相!」相當搞笑。