曼聯慘吞白禮頓4蛋 歐霸位勢危

【Now Sports】曼聯上場大勝，在周六英超又打回原形，而且防線崩潰，作客以0:4大敗予白禮頓。曼聯攻中馬達再次擔正，與般奴費蘭迪斯、艾蘭加合力為基斯坦奴朗拿度（Cristiano Ronaldo）提供輸送。白禮頓由紅魔青訓產品韋碧克倒戈掛帥，配合哥斯、麥卡里士打。

白禮頓在開賽後便以前場壓迫取得優勢，戰至15分鐘，紅魔守將解圍不清脆，白禮頓在禁區外連環起腳，由摩西斯卡斯度射入，領先1:0。42分鐘，羅拔山齊士長傳，華拉尼差點控球變助攻，幸好韋碧克射高。曼聯一直未能好好運球組織，攻門次數不多，半場落後1球。

紅魔半場換入卡雲尼、費特，但踢了4分鐘便再失守，托沙左路底線傳中，古古尼也勁射近柱破門，白禮頓領先2:0。56分鐘，馬達在禁區頂窩利勁抽，羅拔山齊士一抱入懷。曼聯的防線形同虛設，白禮頓輕輕鬆鬆便傳予哥斯，於57分鐘推過華拉尼後射入。3分鐘後，達洛治護空門省中托沙入網。紅魔之後有卡雲尼食詐糊，慘吞白禮頓4蛋。

曼聯大敗一場後，以37場58分排第6位，在數字上已沒可能殺上前4，同時僅領先踢少2場的第7位韋斯咸6分，有機會連歐霸席位也失去。白禮頓以36場47分排第9位，仍有些微機會踢歐洲賽。