【劍擊】張小倫阿基里士腱斷裂今動手術 「當take a break,俾自己沉澱一下」

【體路專訊】年屆36歲的香港劍擊「大師兄」張小倫日前在韓國花劍大獎賽受傷,經診斷後證實左腳阿基里士腱斷裂,今(19日)晚將接受手術,預計須養傷3至6個月,意味無緣出戰亞洲錦標賽及世界錦標賽,今季提前「收咧」。

張小倫周日(15日)在仁川出戰大獎賽正賽首圈賽事,面對世界排名第8的埃及ABOUELKASSEM Alaaeldin,落後5:13時與對手相撞後倒地,其後決定退賽。他周三(18日)隨隊返港,未有到酒店進行隔離,在機場接受檢測後直接到醫院治理,接受磁力共振檢查後證實左腳阿基里士腱斷裂,今晚要進行施手術,預計要花3至6個月復健。這是張小倫自2012年椎間盤突出後,運動生涯第二次嚴重受傷,也是他人生首次接受手術。

(圖:張小倫fb)
(圖:張小倫fb)

「哈哈,老骨頭一個,只係未捱到最尾,頂唔順、搞唔掂。冇嘢嘅,個幾兩個月咪企返起身!」張小倫接受訪問時表示:「醫生話我隻腳勞損得好嚴重,但我自己一直唔知道發炎,直至照MRI先發現。」不過他仍感恩可以繼續享受劍擊樂趣:「去到呢個年紀仲可以打劍,仲想點,已經好開心,希望享受多一、兩年,都冇話爭取啲乜,順其自然啦!」張小倫又笑言「可能上天都要我休息一下」:「都好嘅,當take a break,俾自己沉澱下,計劃下一步會做乜嘢!」

(圖:張小倫fb)
(圖:張小倫fb)

儘管今季提前「收咧」,不過這位「大師兄」不忘透過在個人社交平台,答謝團隊照顧及為隊友打氣:「終於完晒我哋呢個搬搬抬抬,飛來飛去,居無定所嘅旅程,大家都好努力練習,喺比賽到爭取好成績,多謝大家呢幾個月唔嫌棄我煩,成日好多問題,最後都要你哋照顧我,抬我返來。」因為要施手術令他不得不放棄6月南韓首爾舉行的亞錦賽及7月中開羅上演的世錦賽,但他精神上仍然會與港隊一齊拼,「手術後再見大家,希望你哋來緊嘅,亞錦,世錦,繼續衝衝衝」

此篇文章由「體路 Sportsroad」最初發表於「【劍擊】張小倫阿基里士腱斷裂今動手術 「當take a break,俾自己沉澱一下」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能